எம்ஜிஆர் சிலைக்கு மரியாதை செலுத்திய ஆட்சியர்

சேலம்: மறைந்த முன்னாள் முதலமைச்சர் எம்ஜிஆரின் 103ஆவது பிறந்தநாள்விழாவை முன்னிட்டு மாவட்ட ஆட்சித்தலைவர் ராமன் எம்ஜிஆரின் திருவுருவச் சிலைக்கு மாலை அணிவித்து மரியாதை செலுத்தினார்.

மறைந்த முன்னாள் முதலமைச்சர் எம்ஜிஆரின் 103ஆவது பிறந்தநாள்விழா அதிமுகவினர் சார்பில் சிறப்பாகக் கொண்டாடப்பட்டது. இதன் ஒரு பகுதியாக சேலம் மாவட்ட நிர்வாகத்தின் சார்பில் அண்ணா பூங்காவில் அமைக்கப்பட்டுள்ள எம்ஜிஆர், ஜெயலலிதா மணிமண்டபத்தில் எம்ஜிஆரின் பிறந்தநாள் விழா கொண்டாடப்பட்டது.

அந்த மண்டபத்தில் உள்ள எம்ஜிஆரின் திருவுருவச்சிலைக்கு சேலம் மாவட்ட ஆட்சித்தலைவர் ராமன், சேலம் மாநகராட்சி ஆணையாளர் சதீஷ் ஆகியோர் மாலை அணிவித்து மரியாதை செலுத்தினர்.

இந்த நிகழ்ச்சியில் சேலம் மாநகர மாவட்ட அதிமுக செயலாளர் வெங்கடாசலம், சட்டப்பேரவை உறுப்பினர்கள் சக்திவேல், மனோன்மணி, முன்னாள் நாடாளுமன்ற உறுப்பினர் எனப் பலரும் கலந்துகொண்டனர்.

இதையும் படிங்க: