'சத்துணவு முட்டைகள் வழங்கும் முறை குறித்து சம்பந்தப்பட்ட அமைச்சர்கள் முடிவெடுப்பார்கள்'- அமைச்சர் செங்கோட்டையன்

ஈரோடு: சத்துணவு முட்டைகள் வழங்கும் முறை குறித்து சம்பந்தப்பட்ட அமைச்சர்கள் முதலமைச்சர் எடப்பாடி பழனிசாமியுடன் ஆலோசித்து முடிவு எடுப்பார்கள் என அமைச்சர் செங்கோட்டையன் தெரிவித்துள்ளார்.

ஈரோடு மாவட்டம் கோபிச்செட்டிபாளையத்தில் நகராட்சியில் பணிபுரியும் மகளிர் 50 பேருக்கு தமிழ்நாடு அரசு சார்பில் மானிய விலையில் அம்மா இருசக்கர வாகனம், 9 சிறு வணிகர்களுக்கு கடனுதவி உள்ளிட்ட ரூ.13.40 லட்சம் மதிப்பிலான நலத்திட்ட உதவிகள் வழங்கும் நிகழ்ச்சி நடைபெற்றது.

அதில் கலந்துகொண்ட தமிழ்நாடு பள்ளிக் கல்வித் துறை அமைச்சர் செங்கோட்டையன் நலத்திட்ட உதவிகளை வழங்கினார். பின்னர் செய்தியாளர்களை சந்தித்த அவர், "தமிழ்நாட்டில் பல்வேறு நலத்திட்டப் பணிகளை முதலமைச்சர் எடப்பாடி பழனிசாமி சிறப்பாக செய்து வருகிறார். ஆண்டுதோறும் ஒரு லட்சம் மகளிருக்கு இருசக்கர வாகனம் வழங்கப்பட்டுவருகிறது.

கோபியில் உள்ள ஏரியில் விரைவில் படகு இல்லம் அமைத்து சுற்றுலாத்தலமாக மாற்ற ஏற்பாடுகள் செய்யப்பட்டுள்ளன.

சித்தோடு-கோபி நான்கு வழிச்சாலை அமைக்க டெண்டர் வழங்கப்பட்டு விரைவில் பணிகள் தொடங்கப்படும்.

ஆகஸ்ட் 15ஆம் தேதி சுதந்திர தின விழா பள்ளிகளில் கொண்டாடுவது குறித்து முதலமைச்சர் அறிவிப்பார்.

பள்ளி மாணவர்களுக்கு பாடப்புத்தகங்கள், காலணிகள், புத்தகப்பை உள்ளிட்டவைகள் வழங்கப்பட உள்ளன. அதையும் முதமைச்சர் தொடங்கி வைப்பார்" எனத் தெரிவித்தார். மேலும் அவர், "பள்ளிகள் திறப்பது சாத்தியமில்லை.

மாணவர்களுக்கு முட்டைகள் வழங்கும் முறை குறித்து சம்பந்தப்பட்ட அமைச்சர்கள் முதலமைச்சரின் ஆலோசனை செய்து முடிவு எடுப்பார்கள். 2013ஆம் ஆசிரியர் தகுதித் தேர்வு எழுதியவர்களின் நிலை கவலையளிக்கிறது. அதுதொடர்பாக அரசு பரிசீலனை செய்து நடவடிக்கை எடுக்கும்" எனத் தெரிவித்தார்.

இதையும் படிங்க:விளையாட்டு போட்டிகளுக்காக ரூ.64.72 கோடி நிதி ஒதுக்கீடு - அமைச்சர் செங்கோட்டையன்