பிரதமர் நரேந்திர மோடியும், சீன அதிபர் ஜி ஜின்பிங்கும் வரும் 11ஆம் தேதி, மாமல்லபுரத்தில் சந்தித்து பேச உள்ளனர். அப்போது, தலைவர்கள் இருவரும் புராதன சின்னங்கள் உள்ள பகுதிகளான அர்ச்சுனன் தபசு, கடற்கரை கோயில், ஐந்துரதம் உள்ளிட்ட பகுதிகளை பார்வையிடுகின்றனர்.
மாமல்லபுரத்தை பசுமை நகரமாக்கும் பணிகள் தீவிரமாக நடந்து வருகிறது. இந்நிலையில், முன்னேற்பாடுகளை பார்வையிடுவதற்காக, முதலமைச்சர் எடப்பாடி பழனிசாமி இன்று மாமல்லபுரம் சென்றார். அங்கு ஏற்படுத்தப்பட்டுள்ள பாதுகாப்பு ஏற்பாடுகள் குறித்து ஆய்வு மேற்கொண்டார். பின்னர், பிளாஸ்டிக் இல்லாத தமிழகம் என்ற நோக்கத்தில், வணிகர்கள் கூட்டமைப்பு சார்பாக நடத்தப்பட்ட கண்காட்சியில் கலந்துகொண்டார்.
மாமல்லபுரத்தில் நடந்த நிகழ்வில் முதலமைச்சர் எடப்பாடி பழனிசாமி