கோரிக்கைகளை நிறைவேற்றுக: ஓய்வுபெற்ற போக்குவரத்துக் கழக ஊழியர்கள் ஆர்ப்பாட்டம்

சென்னை: ஒய்வுபெறும் நாளன்றே அனைத்து பணப்பலன்களையும் கொடுக்க வலியுறுத்தி ஓய்வு பெற்றும் பலன்கள் கிடைக்கப்பெறாத போக்குவரத்துக் கழக ஊழியர்கள் போராட்டம் நடத்தினர்.

மாநில போக்குவரத்துக் கழக ஓய்வுபெற்ற ஊழியர்கள் நலச்சங்கத்தின் சார்பில் சென்னை பல்லவன் சாலை போக்குவரத்துத் துறை தலைமை அலுவலகம் எதிரே கண்டன ஆர்ப்பாட்டம் நடைபெற்றது. இந்த ஆர்ப்பாட்டத்தில்,

• 2015 நவம்பர் முதல் உயர்ந்துள்ள பஞ்சப்படி 119 சதவிகிதம் முதல் 164 வரை உடனே கொடுக்க வேண்டும்.
• இவற்றின் 50 மாத நிலுவைத் தொகையை உடனடியாக விடுவிக்க வேண்டும்.
• 2016 செப்டம்பர் முதல், 2017 டிசம்பர் வரை ஓய்வுபெற்றவர்களுக்கு கிராஜுவிடி, கனுட்டேசன், விடுப்பு சம்பள நிலுவைத் தொகையினை உடனடியாக வழங்க வேண்டும்.
• 2019 ஏப்ரல் முதல் இன்று வரை ஓய்வுபெற்றவர்களுக்கு ஓய்வுகால நிலுவை, பி.எஃப். உள்ளிட்ட பணப்பலன்களை வழங்க வேண்டும்.

என்பன உள்ளிட்ட 11 அம்சக் கோரிக்கைகளை வலியுறுத்தி முழக்கங்கள் எழுப்பப்பட்டன. இப்போராட்டத்தில் நூற்றுக்கணக்கான ஓய்வுபெற்ற போக்குவரத்துக் கழக ஊழியர்கள் கலந்துகொண்டனர்.

இதையும் படிங்க: பாசனத்துக்கு நீரைக் கொடுங்கள்! குறைதீர் கூட்டத்தில் விவசாயிகள் தர்ணா!