சென்னை:தமிழ்நாட்டில் கடந்த 24 மணி நேரத்தில், 5 ஆயிரத்து 755 நபர்களுக்கு கரோனா வைரஸ் தொற்று புதிதாக கண்டறியப்பட்டுள்ளது. மேலும், இறந்தவர்கள் எண்ணிக்கை 150ஆக குறைந்துள்ளது. கரோனா வைரஸ் தொற்று தொடர்ந்து குறைந்து வருவதால் சிகிச்சை பெறுபவர்கள் எண்ணிக்கை 47 ஆயிரத்து 318 என மேலும் சரிவடைந்து வருகிறது.
மக்கள் நல்வாழ்வுத் துறை இன்று (ஜூன் 25) வெளியிட்டுள்ள புள்ளிவிவர தகவலில், ”தமிழ்நாட்டில் மேலும் புதிதாக ஒரு லட்சத்து 68 ஆயிரத்து 406 நபர்களுக்கு ஆர்டிபிசிஆர் பரிசோதனை மேற்கொள்ளப்பட்டது. இதன் மூலம் தமிழ்நாட்டில் இருந்த 5751 நபர்களுக்கும், ஆந்திராவிலிருந்து வந்த மூன்று பேருக்கும், ஒடிசாவில் இருந்து வந்த ஒருவருக்கும் என 5755 நபர்களுக்கு மேலும் புதிதாக 24 மணி நேரத்தில் கரோனா வைரஸ் தொற்று கண்டறியப்பட்டுள்ளது.
இதுவரை சிகிச்சையில்...
தமிழ்நாட்டில் இதுவரை 3 கோடியே 11 லட்சத்து 86 ஆயிரத்து 821 நபர்களுக்கு ஆர்டிபிசிஆர் பரிசோதனை மேற்கொள்ளப்பட்டுள்ளது. இதன் மூலம் தமிழ்நாட்டில் 24 லட்சத்து 55 ஆயிரத்து 332 பேர் கரோனா வைரஸ் தொற்று பாதிப்பிற்கு உள்ளாகி இருந்தனர் என்பது கண்டறியப்பட்டது. இவர்களில் தற்போது மருத்துவமனைகள், தனிமைப்படுத்தும் மையங்களில் 47 ஆயிரத்து 318 பேர் சிகிச்சை பெற்றுவருகின்றனர்.
இன்று குணமடைந்தவர்கள்
மருத்துவமனையில் சிகிச்சை பெற்று வந்த நோயாளிகளில் மேலும் குணமடைந்த 8 ஆயிரத்து 132 பேர் வீடு திரும்பியுள்ளனர். இதன்மூலம் குணமடைந்தவர்கள் எண்ணிக்கை 23 லட்சத்து 75 ஆயிரத்து 963 என உயர்ந்துள்ளது.
இன்றைய உயிரிழப்பு
மருத்துவமனையில் சிகிச்சை பெற்றுவந்த நோயாளிகளில், சிகிச்சை பலனின்றி தனியார் மருத்துவமனையில் 55 நோயாளிகளும், அரசு மருத்துவமனையில் 95 நோயாளிகள் என மேலும் 150 பேர் இறந்துள்ளனர். இதன்மூலம் இறந்தவர்கள் எண்ணிக்கை 32 ஆயிரத்து 51 ஆக உயர்ந்துள்ளது.
சென்னையில் வைரஸ் தொற்றினால் புதிதாக பாதிக்கப்படுபவர்கள் எண்ணிக்கை 350 என குறைந்துள்ளது. கோயம்புத்தூரில் 698 நபர்களும், ஈரோட்டில் 597 நபர்களும், சேலத்தில் 398 நபர்களும், திருப்பூரில் 361 நபர்களும் என அதிக அளவில் பாதிக்கப்பட்டுள்ளனர்.
மாவட்ட வாரியாக மொத்த பாதிப்பு
சென்னை: 531127
கோயம்புத்தூர்: 216506
செங்கல்பட்டு: 155696
திருவள்ளூர்: 110374
சேலம்: 86120
திருப்பூர்: 80789
ஈரோடு: 87110
மதுரை: 71894
காஞ்சிபுரம்: 69799
திருச்சிராப்பள்ளி: 68302
தஞ்சாவூர்: 62433
கன்னியாகுமரி: 58527
கடலூர்: 57371
தூத்துக்குடி: 53999
திருநெல்வேலி: 47137