சூளைமேடு காமராஜர் நகர் பகுதியைச் சேர்ந்தவர் கங்காதரன். இவரது மனைவி பத்மாவதி (45) நேற்று அருகிலிருந்த கடையில் போண்டா வாங்கிச் சாப்பிட்டுள்ளார். அப்போது, எதிர்பாராதவிதமாக பத்மாவதியின் தொண்டையில் போண்டா சிக்கி, மூச்சுத் திணறல் ஏற்பட்டு மயங்கி விழுந்துள்ளார்.
உடனே, பத்மாவதியின் தாய் அவரை அவசர ஊர்தி மூலம் சிகிச்சைக்காக கீழ்ப்பாக்கம் அரசு மருத்துவமனைக்கு கொண்டுசென்றுள்ளார். அங்கு, பத்மாவதியை பரிசோதித்த மருத்துவர்கள், அவர் ஏற்கனவே இறந்துவிட்டதாகக் கூறியுள்ளனர். இந்நிகழ்வு குறித்து சூளைமேடு காவல் துறையினர் வழக்குப்பதிவு செய்து விசாரித்துவருகின்றனர்.
’போண்டா’ தொண்டையில் சிக்கி பெண் உயிரிழப்பு