ஜெயலலிதா மரணம்: ஆறுமுகசாமி ஆணையத்திற்கு உதவ மருத்துவக்குழுவை அமைத்தது எய்ம்ஸ்

ஜெயலலிதா மரணம் தொடர்பான ஆறுமுகசாமி ஆணையத்திற்கு உதவ எய்ம்ஸ் மருத்துவமனை சார்பில் மருத்துவக்குழு அமைக்கப்பட்டுள்ளது.

சென்னை: ஜெயலலிதா மரணம் தொடர்பான விசாரணை நடத்தும் ஆறுமுகசாமி ஆணையத்திற்கு உதவ உச்சநீதிமன்ற உத்தரவின்படி மருத்துவக்குழுவை எய்ம்ஸ் அமைத்தது.
விசாரணையின் போது உடன் இருக்க வேண்டும் என்பதால் மருத்துவர்களின் பெயர்களை விரைவில் பரிந்துரைக்குமாறு எய்ம்ஸ் இயக்குநருக்கு சில தினங்கள் முன்பாக ஆறுமுகசாமி ஆணையம் கடிதம் எழுதியிருந்தது.

அதன் தொடர்ச்சியாக, எய்ம்ஸ் மருத்துவர் நிகில் டாண்டன் தலைமையில் மருத்துவர்கள் குழு அமைக்கப்பட்டுள்ளது. குழுவில் இடம்பெற்றுள்ள அனைவரும் ஜெயலலிதாவுக்கு வழங்கப்பட்ட சிகிச்சை தொடர்பான துறை ரீதியிலான வல்லுநர்கள் ஆவர்.

மருத்துவக்குழுவை அமைத்துள்ள நிலையில் ஆணையத்தின் அடுத்தகட்ட நடவடிக்கை குறித்து மருத்துவர்களுடன் ஆறுமுகசாமி ஆணையம் வரும் 16 ஆம் தேதி ஆலோசனை நடத்தவுள்ளது.

இதையும் படிங்க: கங்கைகொண்ட சோழபுரம் கோயிலில் புதிய கட்டுமானங்களுக்கு இடைக்காலத் தடை