பிரபல ஃபோர்ப்ஸ் இதழ் வெளியிட்டுள்ள இந்த ஆண்டுக்கான இந்திய பணக்காரர்களின் பட்டியலில் (Forbes India Rich List) தமிழகத்தைச் சேர்ந்த சிவ் நாடார் ஐந்தாம் இடத்தைப் பிடித்துள்ளார்.
சிவ் நாடார் தமிழகத்தின் தூத்துக்குடியைச் சேர்ந்த தொழிலதிபரும், கல்வியாளரும் ஆவார். ஹச்.சி.எல் (HCL) கணினி குழுமத்தின் தலைவராகவும், நிர்வாக இயக்குநராகவும் இருக்கும் இவரை, 2000ஆம் ஆண்டு ஃபோர்ப்ஸ் இதழ், உலகின் முதல் 500 பணக்காரர்கள், மற்றும் முதல் 40 பணக்கார இந்தியர்கள் வரிசையில் சேர்த்தது.
அந்த வகையில் ஒவ்வொரு ஆண்டும் வெளியிடும் இந்திய பணக்காரர்கள் பட்டியலில் (Forbes India Rich List) சிவ் நாடார் 14.4 பில்லியன் டாலர் மதிப்புள்ள சொத்துகளுடன் ஐந்தாம் இடத்தைப் பிடித்துள்ளார்.
இதன்மூலம், ஃபோர்ப்ஸ் இதழ் வெளியிட்டுள்ள இந்திய பணக்காரர்கள் பட்டியலில் முதல் 10 இடத்திற்குள் வந்துள்ள முதல் தமிழர் என்ற பெருமை இவரை சாரும். பிரபல எழுத்தாளரும், நாவலாசிரியருமான ரமணி சந்திரன் இவரின் உறவினர் என்பது குறிப்பிடத்தக்கது.
இதையும் படிங்க: 12 ஆண்டுகளாக பணக்காரப் பட்டியலில் இடம்பிடித்த முகேஷ் அம்பானி!