திருச்சியில் இன்று புதிதாக 12 பேருக்கு கரோனா

திருச்சி : இன்று ஒரே நாளில் 12 பேருக்கு கரோனா தொற்று உறுதி செய்யப்பட்டதை அடுத்து பாதிக்கப்பட்டோரின் எண்ணிக்கை 132ஆக உயர்ந்துள்ளது.

தமிழ்நாட்டில் இன்று ஒரே நாளில் 1,927 பேருக்கு கரோனா தொற்று உறுதி செய்யப்பட்டுள்ளது. இதன் மூலம் தமிழ்நாட்டில் கரோனாவால் பாதிக்கப்பட்டோரின் எண்ணிக்கை 36 ஆயிரத்து 841ஆக உயர்ந்துள்ளது.

இன்று ஒரே நாளில் திமுக சட்டப்பேரவை உறுப்பினர் ஜெ.அன்பழகன் உள்பட 19 பேர் கரோனாவால் உயிரிழந்துள்ளனர். இதன் மூலம் உயிரிழந்தவர்கள் எண்ணிக்கை 326ஆக உயர்ந்துள்ளது. இதுவரை மொத்தம் 19 ஆயிரத்து 333 பேர் பூரண குணமடைந்து வீடுகளுக்குத் திரும்பியுள்ளனர்.

இந்நிலையில், திருச்சி மாவட்டத்தில் இன்று புதிதாக 12 பேருக்கு கரோனா தொற்று இருப்பது உறுதி செய்யப்பட்டுள்ளது.

இதன் மூலம் அம்மாவட்டத்தில் பாதிக்கப்பட்டோர் எண்ணிக்கை 132ஆக உயர்ந்துள்ளது. ஏற்கனவே 105 பேர் குணமடைந்து வீடு திரும்பியுள்ள நிலையில், தற்போது 26 பேர் சிகிச்சை பெற்று வருகின்றனர்.