மத்திய அரசு கொண்டுவந்த வேளாண் சட்டங்களை எதிர்த்து டெல்லி, அதன் எல்லைப் பகுதிகளில் ஆயிரக்கணக்கான விவசாயிகள் மூன்று மாதங்களுக்கு மேலாகப் போராட்டம் நடத்திவருகின்றனர். இந்தப் போராட்டத்திற்கு காங்கிரஸ் உள்ளிட்ட பல எதிர்க்கட்சிகளும் ஆதரவு அளித்துவருகின்றன.
இந்நிலையில், சர்வதேச சமூகத்திலிருந்து விவசாயிகளுக்கான ஆதரவுக்குரல் தற்போது ஒலிக்கத் தொடங்கியுள்ளது. பிரபல பாப் பாடகி ரிஹான்னா, சூழலியல் செயற்பாட்டாளர் கிரேட்டா தன்பெர்க் இருவரும் விவசாயிகளின் போராட்டத்திற்கு ஆதரவு தெரிவித்துள்ளனர்.