இன்றைய நிகழ்வுகள் மற்றும் செய்திகளின் தொகுப்பு #ETVBharatNewsToday

இன்றைய நிகழ்வுகள் மற்றும் செய்திகளின் தொகுப்பு #ETVBharatNewsToday

வெள்ளை மாளிகையை நோக்கி பைடன்!

அமெரிக்க அதிபர் தேர்தல் நவம்பர் 3ஆம் தேதி நடைபெற்றது. இதில் அதிபர் பதவிக்கு குடியரசுக் கட்சி சார்பில் தற்போதைய அதிபர் டொனால்ட் ட்ரம்ப்பும், ஜனநாயக கட்சி சார்பில் ஜோ பைடனும் போட்டியிடுகின்றனர். முடிவுகள் அறிவிக்கப்பட்டுவரும் நிலையில், மிச்சிகன், விஸ்கான்சின் ஆகிய மாகாணங்களில் பைடன் வெற்றிபெற்றுள்ளார். தேர்தலில் வெற்றிபெறுவதற்கு 270 வாக்குகள் தேவைப்படும் நிலையில், 264 வாக்குகள் பெற்றுள்ள பைடன் வெற்றிப்பெறவே அதிக வாய்ப்புள்ளது. இதுகுறித்த முடிவுகள் இன்று வெளியிடப்படும் என எதிர்பார்க்கப்படுகிறது.

அமெரிக்க அதிபர் தேர்தல்

இந்திய - சீன நாடுகளுக்கிடையேயான பேச்சுவார்த்தை!

கல்வான் மோதலைத் தொடர்ந்து, இந்தியா-சீனா நாடுகளுக்கிடையே பதற்றம் அதிகரித்தே காணப்பட்டு வருகிறது. இதற்கிடையே, எல்லை சச்சரவைத் தீர்க்கும் விதமாக, இருநாட்டு ராணுவப் பிரதிநிதிகளுக்குமிடையே எட்டாம்கட்டப் பேச்சுவார்த்தை இன்று நடைபெறவுள்ளது.

இந்திய - சீனா

பேரறிவாளனின் பரோலை நீட்டிக்கக் கோரி மனு: உயர் நீதிமன்றத்தில் இன்று விசாரணை

ராஜிவ் காந்தி கொலை வழக்கில் ஆயுள் கைதியாக சென்னை மத்திய சிறையில் அடைக்கப்பட்டுள்ள பேரறிவாளனுக்கு 30 நாள்கள் பரோல் வழங்கப்பட்ட நிலையில், அது முடிவடையவுள்ளதால், மேலும் 30 நாள்களுக்கு பரோலை நீட்டித்துத் தரக்கோரி, அவரது தாயார் அற்புதம்மாள் சென்னை உயர் நீதிமன்றத்தில் மனு தாக்கல் செய்துள்ளார். அதன் மீதான விசாரணை இன்று நடைபெறவுள்ளது.

ராஜிவ் காந்தி

ஆய்வு மேற்கொள்ளும் முதலமைச்சர்!

திருப்பூர் மாவட்டத்தில் இன்று முதலமைச்சர் ஆய்வுப் பணிகள் மேற்கொள்ள இருப்பதையொட்டி, முன்னெச்சரிக்கை ஏற்பாடுகள் குறித்து அமைச்சர் உடுமலை ராதாகிருஷ்ணன் ஆய்வு செய்தார்.

முதலமைச்சர் எடப்பாடி பழனிசாமி

ஐபிஎல் தொடர்: பெங்களூரு, ஹைதராபாத் அணிகள் பலப்பரீட்சை:

ஐபிஎல் தொடரின் ப்ளே ஆஃப் சுற்றில் பெங்களூரு, ஹைதராபாத் அணிகள் இன்று மோதுகின்றன. இதில், வெற்றிபெறும் அணி டெல்லி அணியை நவம்பர் 8ஆம் தேதி எதிர்கொள்ளும்.

ஐபிஎல்