குருகிராமில் பாஜக அலுவலகம்.. ஏப்.14 திறப்பு!

ஹரியானா மாநிலம் குருகிராமில் ஏப்.14ஆம் தேதி பாஜக அலுவலகம் திறக்கப்படுகிறது.

சண்டிகர் : ஹரியானா முதலமைச்சர் மனோகர் லால் கட்டார் வியாழக்கிழமை (மார்ச் 31) பாஜக தேசியத் தலைவர் ஜெயப் பிரகாஷ் நட்டாவை சந்தித்து பேசினார். அப்போது ஏப்.14ஆம் தேதி குருகிராமில் உள்ள பாஜக அலுவலகத்தை திறந்துவைக்க அழைப்பு விடுத்தார்.

இது குறித்து முதலமைச்சர் மனோகர் லால் கட்டார் கூறுகையில், “வரும் நாள்களில் மாநகராட்சி தலைவர் பதவிக்கான தேர்தலில் கட்சி சின்னத்தில் போட்டியிடுவோம். மீதமுள்ள இடங்களை கட்சி தலைமை முடிவு செய்யும்” என்றார்.

மேலும், விளையாட்டு ஒதுக்கீட்டை அரசாங்கம் மீட்டெடுத்ததாக கட்டார் தெரிவித்தார். இந்த ஒதுக்கீட்டை மீட்டெடுத்த பிறகு, வீரர்கள் முன்பு போலவே முன்பதிவு பெற முடியும்” என்றும் அவர் தெரிவித்தார்.

தொடர்ந்து, “அங்கீகரிக்கப்பட்ட நிறுவனங்களின் வீரர்கள் பதக்கங்களைப் பெறுவதற்காக ஒரு போர்டல் உருவாக்கப்பட்டுள்ளது என்றும், அதன் பிறகு சான்றிதழ்கள் அளிக்கப்படும்” என்றும் அவர் கூறினார்.

குர்கானில் இருந்து பிரதமர் நரேந்திர மோடியின் 'பரிக்ஷா பே சர்ச்சா' நிகழ்ச்சியில் கலந்து கொள்வதையும் ஹரியானா முதலமைச்சர் மனோகர் லால் கட்டார் உறுதிப்படுத்தினார். குருகிராமில் உள்ள பாஜக அலுவலகத்தை ஜெயபிரகாஷ் நட்டா ஏப்.16ஆம் தேதி திறந்துவைக்கிறார்.

இதையும் படிங்க :ஏப்.2 டெல்லியில் திமுக அலுவலகம் திறப்பு