இது குறித்து மிசோரம் மாநில தரப்பில் வெளியான குற்றஞ்சாட்டில், அஸ்ஸாம் மாநிலத்தைச் சேர்ந்தவர்கள் மிசோரம் வழியே செல்லக்கூடிய போக்குவரத்தை தடை செய்யும் வகையில் ரயில் தடங்களை அகற்றியதாகவும் தேசிய நெடுஞ்சாலையை தடுத்துள்ளதாகவும் கூறப்பட்டுள்ளது.
மிசோரமுக்கு செல்லும் சரக்கு வாகனங்கள் மற்றும் பயணிகள் முடக்கப்பட்டுள்ள நிலையில், இப்பிரச்சினையில் ஒன்றிய அரசு உடனடியாக நடவடிக்கை எடுக்க வேண்டும் என தலைமை செயலர் லால்னுன்மாவியா கோரிக்கை விடுத்துள்ளார்.
இது குறித்து உள்துறை செயலர் லால்பியாக்சங்கி கூறுகையில், "அஸ்ஸாம் மாநிலத்தில் உள்ள மொகமத்பூர் ரயில் நிலையம், ராம்நாத்பூர் ரயில் நிலையத்தில் உள்ள ரயில் தடங்களை அஸ்ஸாமை சேர்ந்த சில அடையாளம் தெரியாத நபர்கள் அகற்றியுள்ளனர்.