இன்று ரமலான் பண்டிகை கொண்டாட்டம்
தமிழ்நாடு உள்பட நாட்டின் பல்வேறு பகுதிகளில் இன்று புனித ரமலான் பண்டிகை கொண்டாடப்படுகிறது.
நேரு ஸ்டேடியத்தில் ‘ரெம்டெசிவிர்’ மருந்து விற்பனை
மக்கள் கூட்ட நெரிசலைத் தவிர்க்க இன்று முதல் பெரியமேட்டில் உள்ள நேரு ஸ்டேடியத்தில் 4 கவுன்ட்டர்கள் மூலம் ‘ரெம்டெசிவிர்’ மருந்து விற்பனை செய்யப்படுகிறது.
எட்டு மாவட்டங்களுக்கு கனமழை எச்சரிக்கை
தேனி, திண்டுக்கல், கோயம்புத்தூர், நீலகிரி,கன்னியாகுமாரி, திருநெல்வேலி, தூத்துக்குடி, தென்காசி, ராமநாதபுரம் மாவட்டங்களில் ஓரிரு இடங்களில் இடி, மின்னல், சூறைக் காற்றுடன் இன்று மழை பெய்யும் என, சென்னை வானிலை ஆய்வு மையம் எச்சரித்துள்ளது.
நாகாலாந்தில் இன்று முதல் 7 நாள்களுக்கு முழு ஊரடங்கு
கரோனா பரவலை தடுத்திட, இன்று(மே.14) முதல் 7 நாள்களுக்கு முழு ஊரடங்கு அமல்படுத்தப்படுவதாக, அம்மாநில அரசு அறிவித்துள்ளது.
இந்தியா வருகிறது 1.50 லட்சம் ஸ்புட்னிக் ரஷ்ய தடுப்பூசி
ரஷ்யாவில் இருந்து மேலும் 1.50 லட்சம் ஸ்புட்னிக் கரோனா தடுப்பூசி இன்று இந்தியா வரவுள்ளது. ஏற்கனவே, முதற்கட்டமாக 1.50 ஸ்புட்னிக் கரோனா தடுப்பூசி மே 1 ஆம் தேதி ஹைதராபாத்துக்கு வந்தது.