வரும் அக்டோபர் மாதம் 11ஆம் தேதி முதல் 30ஆம் தேதி வரை 17 வயதுக்கு உட்பட்டோருக்கான ஜூனியர் மகளிர் உலகக்கோப்பை கால்பந்து தொடர் இந்தியாவில் நடைபெறுகிறது. இந்த தொடர் புபனேஷ்வர், கோவா, நவி மும்பை ஆகிய நகரங்களில் நடத்த திட்டமிடப்பட்டுள்ளது.
16 அணிகள் இந்தத் தொடரில் பங்கேற்கின்றன. இந்த நிலையில் எந்த அணி எந்த அணியுடன் மோதும் என்பதை முடிவு செய்வதற்கான அதிகாரப்பூர்வ டிரா ( draw ) பிஃபாவின் தலைமை அலுவலகத்தில் நடைபெற்றது. இதில் முன்னாள் அமெரிக்க கால்பந்து வீராங்கனை ஹீதர் ஓ'ரெய்லி , நியூசிலாந்து கால்பந்து அணியின் முன்னாள் பயிற்சியாளர் ரிக்கி ஹெர்பெர்ட் மற்றும் பலர் கலந்து கொண்டு டிரா-ஐ (draw) தேர்வு செய்தனர்.