கர்நாடக மாநிலத்தில், கரோனா காரணமாக ரோஜா பூ விற்பனை கடுமையாக சரிந்திருந்தாலும், காதலர் தினத்தில் அதன் விற்பனை அதிகரித்துள்ளது. உலகம் முழுவதும் உள்ள 41 இடங்களுக்கு சுமார் 2 லட்சத்து 73 ஆயிரம் கிலோ ரோஜாக்கள் கார்டன் சிட்டியிலிருந்து அனுப்பி வைக்கப்பட்டுள்ளதாக பெங்களூரு சர்வதேச விமான நிலைய அலுவலர்கள் தெரிவித்துள்ளனர்.
இதில், 1 லட்சத்து 70 ஆயிரம் ரோஜாக்கள் சர்வதேச அளவிலும், 1 லட்சத்து 3 ஆயிரம் ரோஜாக்கள் இந்தியாவிலுள்ள பல நகரங்களுக்கும் அனுப்பி வைக்கப்பட்டுள்ளன. சிங்கப்பூர், லண்டன், குவைத், மலேசியா, லெபனான், பிலிப்பைன்ஸ், நியூசிலாந்து உள்ளிட்ட நாடுகளுக்கும் மும்பை, கொல்கத்தா, அலகாபாத், பாக்தோரா, சண்டிகர், ஜெய்ப்பூர், சென்னை உள்ளிட்ட பல இந்திய நகரங்களுக்கும் ரோஜாக்கள் அனுப்பி வைக்கப்பட்டன.