இன்று தமிழ்நாடு சட்டப்பேரவைத் தேர்தல் தேதி அறிவிப்பு

11:12 February 26

தமிழ்நாடு, கேரளா, மேற்கு வங்கம், அஸ்ஸாம், புதுச்சேரி ஆகிய ஐந்து மாநிலங்களுக்கான தேர்தல் தேதி இன்று அறிவிக்கப்பட உள்ளது.

தமிழ்நாடு, கேரளா, மேற்கு வங்கம், அஸ்ஸாம், புதுச்சேரி ஆகிய ஐந்து மாநிலங்களுக்கான தேர்தல் தேதி இன்று மாலை 4.30 மணிக்கு இந்தியத் தேர்தல் ஆணையம் அறிவிக்க உள்ளது. அதற்கான அட்டவணையை வெளியிட இந்தியத் தேர்தல் ஆணையம் மாலை 4.30 மணிக்கு செய்தியாளர் சந்திப்புக்கு ஏற்பாடு செய்துள்ளது. 

அதில் தலைமைத் தேர்தல் ஆணையர் சுனில் அரோரா தலைமையிலான குழுவினர் கலந்துகொள்கின்றனர். தற்போது கரோனா பரவலுக்கு இடையில் தேர்தல் நடைபெற உள்ளதால், கடுமையான கட்டுப்பாடுகள், வழிகாட்டுதல்கள் வெளியிடப்படும் என எதிர்பார்க்கப்படுகிறது. 

ஏப்ரல்-மே மாதங்களில் இந்த மாநிலங்களுக்கான தேர்தல் நடைபெறும். மேற்கு வங்கத்தில் 294 தொகுதிகள், தமிழ்நாட்டில் 234 தொகுதிகள், கேரளாவில் 140 தொகுதிகள், அஸ்ஸாமில் 126 தொகுகள், புதுச்சேரி யூனியன் பிரதேசத்தில் 30 தொகுதிகளிலும் தேர்தல் நடைபெற உள்ளது.  

இதையும் படிங்க:ஈடிவி பாரத் தமிழ்நாடு; தேர்தல் உலா- 2021