புதுச்சேரியில் திரையரங்குகள் திறப்பு

புதுச்சேரியில் ஊரடங்கில் தளர்வுகள் அறிவிக்கப்பட்டிருந்த நிலையில் இன்று 50 விழுக்காடு இருக்கைகளுடன் திரையரங்குகள் திறக்கப்பட்டன.

புதுச்சேரியில் கரோனா பரவல் காரணமாக திரையரங்குகளைத் திறக்க அனுமதி மறுக்கப்பட்டிருந்தது. இந்த நிலையில் புதுச்சேரி அரசு பல்வேறு தளர்வுகளை அறிவித்துவருகிறது.

அதன்படி கடந்த 1ஆம் தேதி வெளியான அறிவிப்பில் 50 விழுக்காடு இருக்கைகளுடன் திரையரங்குகள் செயல்பட புதுச்சேரி அரசு உத்தரவிட்டிருந்தது. இன்றுமுதல் (ஆகஸ்ட் 6) திரையரங்குகள் திறக்கப்பட்டுள்ள நிலையில் திரைப்படங்கள் திரையிடப்பட்டுவருகின்றன.

தமிழ்நாட்டில் வெளியாகும் திரைப்படங்களே புதுச்சேரியில் திரையிடப்பட்டுவந்த நிலையில் தமிழ்நாட்டில் படங்கள் வெளியாகாததால் ஆங்கிலம், வெளிநாட்டு, பழைய திரைப்படங்களே திரையிடப்படுகிறது.

இதையும் படிங்க:நிர்மலா சீதாராமன், அமித் ஷா ஆகியருடன் நமச்சியவாம் சந்திப்பு