கிழக்கு லடாக்கின் கல்வான் பள்ளத்தாக்கில் இந்தியா - சீனா ராணுவத்தினருக்கு இடையே நடந்த மோதலில், இந்திய ராணுவ வீரர்கள் 20 பேர் உயிரிழந்தனர். இதனால் இரு நாடுகளிக்கிடையே பதற்றம் நிலவி வருகிறது.
ராணுவ வீரர் சந்தோஷ் பாபுவின் குடும்பத்தினருக்கு ரூ. 5 கோடி வழங்கிய சந்திரசேகர ராவ்
லடாக்கில் நடந்த சீனாவின் தாக்குதலில் வீரமரணம் அடைந்த சந்தோஷ் பாபுவின் குடும்பத்தினருக்கு தெலங்கானா முதலமைச்சர் சந்திரசேகர ராவ் நேரில் சென்று நிவாரண உதவி வழங்கினார்.
telangana-cm-hands-over-cheques-job-letter-to-martyred-colonels-kin
உயிரிழந்த ராணுவ வீரர்களின் குடும்பத்தினருக்கு அந்தந்த மாநிலங்கள் நிவாரண உதவிகள் அறிவித்தனர். இதில் தெலங்கானா முதலமைச்சர் சந்திரசேகர ராவ், மற்ற மாநிலங்களைச் சேர்ந்தவர்களுக்கு ராணுவ வீரர்களின் குடும்பத்தினருக்கு ரூ. 10 லட்சமும், தெலங்கானாவைச் சேர்ந்த சந்தோஷ் பாபுவின் குடும்பத்தினருக்கு ரூ. 5 கோடியுடன், குரூப் -1 தேர்வுக்கான பணி நியமன ஆணையும் வழங்கப்படும் என அறிவித்தார்.
இந்நிலையில் இன்று வீரமரணம் அடைந்த சந்தோஷ் பாபுவின் குடும்பத்தினரை நேரில் சென்று முதலமைச்சர் சந்தித்தார். அப்போது சந்தோஷ் பாபுவின் குடும்பத்தினருக்கு ரூ. 1 கோடி காசோலையையும், அவரது மனைவியின் கைகளில் ரூ. 4 கோடிக்கான காசோலையையும் வழங்கினார். அதனோடு சந்தோஷ் பாபுவின் மனைவி சந்தோஷிக்கு குரூப் - 1 நிலையிலான பணி நியமன ஆணையையும், பஞ்ஜாரா ஹில்ஸ் பகுதியில் 711 ஸ்கொயர் ஃபீட்டில் அமைந்துள்ள வீட்டு பத்திரத்தையும் வழங்கினார்.