புதுச்சேரி முதலமைச்சர் நாராயணசாமி சட்டப்பேரவை வளாகத்தில் செய்தியாளர்களைச் சந்தித்தார். அப்போது அவர் கூறுகையில், 'புதுச்சேரியிலும் மது கடைகளைத் திறக்க விரைவில் முடிவு செய்யப்பட்டுள்ளது. மது கடைகளைத் திறந்தால்தான் மாநில வருவாயை ஈட்ட முடியும். இதற்காக அமைச்சரவையைக் கூட்டி முடிவை மிக விரைவில் அறிவிப்போம்.
தமிழ்நாடும் புதுச்சேரியும் அருகாமையில் உள்ள மாநிலங்கள், இடையில் மாறி மாறி மாநிலங்கள் வரும். இந்நிலையில் விழுப்புரம் மாவட்டம், கோட்டக்குப்பம் மக்கள் புதுச்சேரி மாநில எல்லையான முத்தியால்பேட்டையில் தடுத்து நிறுத்தப்படுவது சரியாக இருக்காது என முடிவெடுக்கப்பட்டுள்ளது.