அதிவேக கார் மோதியதில் காற்றில் பறந்த நபர் - பதைபதைக்கும் வீடியோ

ஜெய்ப்பூர்: அதிவேகமாக சென்ற சொகுசு கார் ஒன்று, இருசக்கர வாகனத்தின் மீது மோதி ஏற்பட்ட விபத்தின் பதைபதைக்கும் வீடியோ காட்சிக வெளியாகியுள்ளது.

ராஜஸ்தான் மாநிலம் ஜெய்ப்பூர் சிர்சி சாலை பகுதியைச் சேர்ந்தவர் சித்தார்த். இவர் கடந்த இரண்டு வாரங்களுக்கு முன்பு புதிய ஆடி சொகுசு கார் ஒன்றை வாங்கியுள்ளார். இந்நிலையில், இவர் தனது தோழியுடன் அந்த காரில் சென்றுள்ளார்.

சித்தார்த் தனது காரில் அதிவேகமாக ஜேடிஏ சர்க்கிள் பகுதியில் சென்றுள்ளார். அப்போது பக்கவாட்டு சாலையில் இருந்து இருசக்கர வாகனத்தில் வந்தவர் மீது அதிவேகமாக வந்த சித்தார்த்தின் கார் பயங்கரமாக மோதியது. இதனால் தூக்கி வீசப்பட்ட அந்த நபர் பலத்த காயமடைந்தார்.

பின்னர், அவரை மீட்ட அப்பகுதி மக்கள் மருத்துவமனையில் அனுமதித்தனர். இதைத் தொடர்ந்து விபத்தை ஏற்படுத்திய சித்தார்த்தை கைது செய்த காவல் துறையினர் அவரிடம் விசாரணை நடத்திவருகின்றனர். இந்த வீடியோ காட்சிகள் தற்போது வெளியாகி அதிர்ச்சியை ஏற்படுத்தியுள்ளது.