பழங்குடி மக்களிடம் ஊட்டசத்து குறைபாடு அதிகம் கானப்படுகிறது: ஹர்ஷ்வர்த்தன் கவலை

பழங்குடி இன மக்களிடம் ஊட்டச்சத்து குறைபாடும், மரபனு பாதிப்புகளும் அதிகம் கானப்படுவதாக மத்திய சுகாதாரத் துறை அமைச்சர் ஹர்ஷ்வர்த்தன் கவலை தெரிவித்துள்ளார்.

மத்திய சுகாதாரத்துறை அமைச்சர் 'இந்தியா சர்வதேச அறிவியல் விழா 2020' நிகழ்வில் காணொலி வாயிலாக பங்கேற்றார். விழாவில் சிறப்புரையாற்றிய ஹர்ஷ் வர்த்தன், நாட்டின் பழங்குடி மக்களின் மேம்பாட்டில் அரசு முக்கிய கவனம் செலுத்துவதாகக் கூறினார்.

பழங்குடி மக்கள் இயற்கையுடன் இணைந்து வாழும் தன்மை கொண்டவர்கள். அவர்களின் நம்பிக்கை, சடங்கு, பழக்கவழக்கம் இயற்கையுடன் ஒட்டியே உள்ளது. இது அவர்களுக்கு கூடுதலான நோய் எதிர்ப்பு சக்தியை வழங்குகிறது என்றார். அதேவேளை, பழங்குடி இன மக்களிடம் ஊட்டச்சத்து குறைபாடும், மரபனு பாதிப்புகளும் அதிகம் கானப்படுவதாக அவர் கவலைத் தெரிவித்தார்.

தொடர்ந்து பேசிய அவர், மலைச்சார்ந்து வாழும் பழங்குடி மக்களுக்கு விஞ்ஞான, தொழில்நுட்ப வசதிகள் முறையே சென்று சேர்வதில்லை. பழங்குடி மக்களின் மேம்பாட்டில் கூடுதல் அக்கறை கொண்டு, மத்திய அரசு பழங்குடி மக்களின் 10 முக்கிய தேவைகளை அறிந்து அவற்றை நிறைவேற்ற செயல்திட்டம் மேற்கொள்ளவுள்ளோம் எனக் கூறினார்.

இதையும் படிங்க:சி.பி.எஸ்.இ. பொதுத் தேர்வு; முக்கிய தகவலை வெளியிட்ட அமைச்சர்