ஓடும் காரிலிருந்து தவறிவிழும் குழந்தை - பதறவைக்கும் காணொலி!

ஓடும் காரிலிருந்து குழந்தை தவறி விழும் காணொலியை பகிர்ந்து ட்விட்டரில் ஐ.பி.எஸ். அலுவலர் பங்கஜ் நைன், பெற்றோர்களுக்கு அறிவுரை வழங்கியுள்ளார்.

ஹரியானா ஐ.பி.எஸ். அலுவலர் பங்கஜ் நைன் (Pankaj Nain), தனது ட்விட்டர் பக்கத்தில், ஓடும் காரிலிருந்து குழந்தை விழும் காணொலி ஒன்றை பகிர்ந்துள்ளார். அந்தக் காணொலியில் சாலையின் வளைவில் கார் ஒன்று வேகமாகத் திரும்புகிறது. அப்போது, காரில் பயணித்த குழந்தை எதிர்பாராதவிதமாக சாலையில் கீழே விழுகிறது. சாலையில் பயணித்த அனைவரும்உடனடியாக சுதாரித்து வாகனங்களை நிறுத்தியதால், காயமின்றி குழந்தை காப்பாற்றப்பட்டது.

இதைப் பகிர்ந்த அலுவலர், பெற்றோர் குழந்தைகளுடன் பயணம் செய்யும்போது கண்டிப்பாக குழந்தைக்கான சிறப்பு லாக்-ஆன் (child lock) செய்யப்பட்டுள்ளதா என்பதைக் கவனிக்க வேண்டும். மேலும், காரின் அனைத்து கதவுகளும் மூடியுள்ளதா என்பதையும் சரிபார்க்க வேண்டும். எல்லா குழந்தைகளும் இந்தக் குழந்தைபோல அதிர்ஷ்டசாலியாக இருக்க மாட்டார்கள் எனப் தெரிவித்தார்.

இந்த அற்புதமான பதிவிற்காக பலரும் அவருக்கு பாராட்டுகளைத் தெரிவித்துவருகின்றனர். தற்போது, இந்தக் காணொலி சமூக வலைதளங்களில் வைரலாகியுள்ளது.

இதையும் படிங்க: ஹெல்மெட்டும் நாயும் - சென்னையை கலக்கிய பைக் ரைடர்!