கோவிட்-19 வைரஸ் அச்சம் காரணமாக, டெல்லி, நொய்டா, சென்னை ஆகிய நகரங்களில் வாடகை வீட்டில் வசிக்கும் மருத்துவர்களை வீட்டை காலி செய்ய வீட்டின் உரிமையாளர்கள் வற்புறுத்துவதாகப் புகார்கள் எழுந்தன. இது குறித்து உரிய நடவடிக்கை எடுக்க வேண்டும் என்று மத்திய சுகாதாரத் துறை அமைச்சர் ஹர்ஷ் வர்தனுக்கு இந்திய மருத்துவச் சங்கம் கடிதம் எழுதியது.
இதுகுறித்து செய்தியாளர்களிடம் பேசிய அவர், "இந்தக் இக்கட்டான சூழ்நிலையில் டெல்லி, நொய்டா, வாராங்கல், சென்னை உள்ளிட்ட பகுதிகளில் வாடகை வீட்டிலுள்ள மருத்துவ ஊழியர்களை வீட்டின் உரிமையாளர்கள் காலி செய்ய வற்புறுத்துவதாகப் புகார் எழுந்துள்ளது. இந்தச் செயல் வேதனையளிக்கிறது. தயதுசெய்து பயப்படாதீர்கள். மருத்துவர்களை நீங்கள் துன்புறுத்தினால், அது தற்போதுள்ள மருத்துவ கட்டுமானத்தையே உலுக்கிவிடும்.