நக்சலைட்டு உயிரை ரத்தம் கொடுத்து காப்பாற்றிய ராணுவ வீரர்!

ராஞ்சி: துப்பாக்கி சூட்டின்போது உயிருக்கு போராடிய நக்சலைட்டிற்கு, ராணுவ வீரர் ரத்தம் கொடுத்து காப்பாற்றிய சம்பவம் நெகிழ்ச்சியை ஏற்படுத்தியுள்ளது.

உத்தரப்பிரதேச மாநிலம் சிங்பூம் மாவட்ட வடக்கு பகுதியில் பாதுகாப்பு படைக்கும், நக்சலைட்டுக்கும் இடையில் கடந்த 29-ம் தேதி துப்பாக்கிச் சூடு நடைபெற்றது.

இதில், தாக்குதலுக்கு உள்ளான ஐந்து நக்சலைட்டுகளில் நான்கு பேர் உயிரிழந்த நிலையில், ஒருவர் மட்டும் உயிருக்கு போராடி வந்தார்.

இந்நிலையில் சிகிச்சைக்காக ஜார்கண்ட் ராஜேந்திரா மருத்துவமனையில் அனுமதிக்கப்பட்ட நக்சலைட்டிற்கு, ராஜ்கமல் என்ற ராணுவ வீரர் ரத்தம் கொடுத்து உயிரைக் காப்பாற்றியுள்ளார்.