சாதாரண மக்கள் தொடங்கி அவர்கள் தேர்ந்தெடுத்த பிரதிநிதிகள் வரை, கரோனா பல்வேறு தரப்பினரிடம் தாக்கத்தை ஏற்படுத்தியுள்ளது. அண்மையில் உள்துறை அமைச்சர் அமித் ஷா, தமிழ்நாடு ஆளுநர் பன்வாரி லால் புரோஹித், கர்நாடக முதலமைச்சர் எடியூரப்பா ஆகியோருக்கு கரோனா தொற்று உறுதிசெய்யப்பட்டது.
அன்றைய நாளே கரோனாவால் பாதிக்கப்பட்ட உத்தரப்பிரதேச அமைச்சர் கமலா ராணி உயிரிழந்தார். இருப்பினும், கரோனாவால் பாதிக்கப்பட்ட பெரும்பாலான முதலமைச்சர்கள், அமைச்சர்கள் என அனைவரும் பூரண குணமடைந்து வருகின்றனர்.
அந்த வகையில், தற்போது மத்தியப் பிரதேச முதலமைச்சர் சிவ்ராஜ் சிங் சவுகான் கரோனாவிலிருந்து மீண்டுள்ளார். கடந்த ஜூலை 25ஆம் தேதி தொற்றால் பாதிக்கப்பட்ட அவர், போபாலில் உள்ள சிராயு மருத்துவமனையில் அனுமதிக்கப்பட்டார்.