மக்களவைத் தேர்தல் ஏழு கட்டங்களாக நடந்துவருகிறது. இதனையொட்டி அரசியல் கட்சித் தலைவர்கள் பரப்புரைக்காக பல்வேறு மாநிலங்களுக்கு செல்வதால் அரசியல் களம் சூடுபிடித்துள்ளது. அந்தவகையில், காங்கிரஸ் கட்சித் தலைவர் ராகுல் காந்தி பிகார், ஒடிசா, மகாராஷ்டிரா ஆகிய மாநிலங்களில் பரப்புரை பொதுக்கூட்டங்களில் கலந்துகொள்வதாக இருந்தது.
ராகுல் காந்தி சென்ற விமானத்தில் கோளாறு
டெல்லி: காங்கிரஸ் தலைவர் ராகுல் காந்தி சென்ற விமானத்தில் இயந்திரக் கோளாறு ஏற்பட்டதால் பரபரப்பு ஏற்பட்டது.
Rahul gandhi
இதற்காக அவர் டெல்லியில் இருந்து விமானம் மூலம் பாட்னாவுக்கு புறப்பட்டார். ஆனால், செல்லும் வழியில் விமானத்தில் இயந்திரக் கோளாறு ஏற்பட்டதால் மீண்டும் டெல்லிக்கே ராகுல் காந்தி திரும்பினார்.
இது குறித்து அவர் தனது ட்விட்டர் பக்கத்தில், ”பாட்னாவுக்கு செல்லும் விமானத்தில் இயந்திரக் கோளாறு ஏற்பட்டதால் டெல்லிக்கு திரும்பும் நிலை நேரிட்டது. இன்று நடைபெற இருந்த சமஸ்திபூர் (பிகார்), சங்கம்னேர் (மகாராஷ்டிரா), பாலசோர் (ஒடிசா) ஆகிய இடங்களில் நடக்கும் பொதுக்கூட்டங்கள் தாமதமாக நடைபெறும்” என பதிவிட்டுள்ளார்.