ਕੋਰੋਨਾ ਵਾਇਰਸ ਕਾਰਨ ਹੋ ਰਹੇ ਨੁਕਸਾਨ 'ਤੇ ਇੰਡਸਟਰੀ ਅਤੇ ਛੋਟੋ ਕਾਰੋਬਾਰੀਆਂ ਦੀ ਮਦਦ ਕਰੇ ਸਰਕਾਰ: ਗੁਰਜੀਤ ਔਜਲਾ
ਅੰਮ੍ਰਿਤਸਰ ਤੋਂ ਕਾਂਗਰਸ ਦੇ ਸੰਸਦ ਮੈਂਬਰ ਗੁਰਜੀਤ ਸਿੰਘ ਔਜਲਾ ਨੇ ਲੋਕ ਸਭਾ ਦੇ ਸ਼ੈਸਨ ਵਿੱਚ ਮੰਗਲਵਾਰ ਨੂੰ ਬੋਲਦੇ ਹੋਏ ਕਿਹਾ ਕਿ ਕੋਰੋਨਾ ਵਾਇਰਸ ਨਾਲ ਟੂਰਿਜ਼ਮ ਇੰਡਸਟਰੀ ਨੂੰ ਬਹੁਤ ਵੱਡਾ ਨੁਕਸਾਨ ਹੋ ਰਿਹਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਅੰਮ੍ਰਿਤਸਰ ਵਿੱਚ ਬਹੁਤੇ ਕਾਰੋਬਾਰੀ ਟੂਰਿਜ਼ਮ ਉੱਤੇ ਨਿਰਭਰ ਕਰਦੇ ਹਨ, ਉਨ੍ਹਾਂ ਕਿਹਾ ਕਿ ਕੋਰੋਨਾ ਵਾਇਰਸ ਨਾਲ ਹੋਟਲ ਇੰਡਸਟਰੀ, ਬੱਸ ਇੰਡਸਟਰੀ, ਆਟੋ ਇੰਡਸਟਰੀ ਅਤੇ ਹੋਰ ਛੋਟੋ ਕਾਰੋਬਾਰੀ ਬਹੁਤ ਨੁਕਸਾਨ 'ਚ ਹਨ। ਇਸ ਲਈ ਸਰਕਾਰ ਨੂੰ ਉਨ੍ਹਾਂ ਦੇ ਕਰਜ਼ੇ ਦੀ ਕਿਸਤ ਦੇਣ ਲਈ ਸਮਾਂ ਵਧਾਉਣਾ ਚਾਹੀਦਾ ਹੈ ਤੇ ਨਾਲ ਹੀ ਸਰਕਾਰ ਉਨ੍ਹਾਂ ਦਾ ਵਿਆਜ ਵੀ ਮਾਫ਼ ਕਰੇ।