ਬਠਿੰਡਾ ’ਚ ਇੱਕ ਸੰਸਥਾ ਨੇ ਲਗਾਇਆ ਰੁਜ਼ਗਾਰ ਸਿਖਲਾਈ ਕੈਂਪ, ਮਹਿਲਾਵਾਂ ਨੇ ਲਿਆ ਹਿੱਸਾ

ਬਠਿੰਡਾ: ਜ਼ਿਲ੍ਹੇ ਚ ਇੱਕ ਨਿੱਜੀ ਸੰਸਥਾ ਵੱਲੋਂ ਪਿਛਲੇ 19 ਸਾਲਾਂ ਤੋਂ ਇਕ ਕੈਂਪ ਜ਼ਰੀਏ ਹਜ਼ਾਰਾਂ ਦੀ ਗਿਣਤੀ ਵਿੱਚ ਦੱਸ ਸਾਲਾਂ ਦੀ ਬੱਚੀ ਤੋਂ ਲੈ ਕੇ ਮਹਿਲਾਵਾਂ ਨੂੰ ਵੀ ਆਪਣੇ ਪੈਰਾਂ ਤੇ ਖੜ੍ਹਾ ਹੋਣ ਦਾ ਰੋਜ਼ਗਾਰ ਕਰਨ ਦੀ ਟ੍ਰੇਨਿੰਗ ਦਿੱਤੀ ਜਾ ਰਹੀ ਹੈ। ਜਾਣਕਾਰੀ ਦਿੰਦਿਆਂ ਸੰਸਥਾ ਦੇ ਬੀਨੂੰ ਗੋਇਲ ਨੇ ਦੱਸਿਆ ਹੈ ਕਿ ਬੜਾ ਮਾਣ ਮਹਿਸੂਸ ਹੁੰਦਾ ਹੈ ਜਦ ਇਸ ਕੈਂਪ ਦੇ ਵਿੱਚੋਂ ਜੋ ਬੱਚੇ ਟ੍ਰੇਨਿੰਗ ਸਿੱਖ ਆਪਣਾ ਰੋਜ਼ਗਾਰ ਖੁਦ ਬਣਾਉਂਦੇ ਹਨ। ਜੇਕਰ ਅਸੀਂ ਆਪਣੇ ਇਸ ਕੈਂਪ ਦੀ ਗੱਲ ਕਰੀਏ ਤਾਂ ਇੱਥੇ ਸਿਲਾਈ ਕਢਾਈ ਡੈਂਟਿੰਗ ਪੇਂਟਿੰਗ ਮਹਿੰਦੀ ਬਿਊਟੀ ਪਾਰਲਰ ਹੋਰ ਬਹੁਤ ਸਾਰੇ ਛੋਟੇ ਅਜਿਹੇ ਕੰਮ ਜੋ ਅਸੀਂ ਕੈਂਪ ਵਿਚ ਸਿਖਾ ਰਹੇ ਹਾਂ। ਇਸ ਦੌਰਾਨ ਕੈਂਪ ਚ ਕੰਮ ਸਿੱਖਣ ਆਉਣ ਵਾਲੀਆਂ ਕੁੜੀਆਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਇੱਥੇ ਬਹੁਤ ਕੁਝ ਸਿੱਖਣ ਨੂੰ ਮਿਲ ਰਿਹਾ ਹੈ।