ਫਿਲਮੀ ਸਟਾਈਲ 'ਚ ਕੀਤੀ ਲੁੱਟ ਦੀ ਕੋਸ਼ਿਸ਼, ਲੁਟੇਰਾ ਗ੍ਰਿਫ਼ਤਾਰ - ਕਸ਼ਮੀਰੀ ਨੌਜਵਾਨ ਤੋਂ ਲੁੱਟ
ਕਪੂਰਥਲਾ: ਫਗਵਾੜਾ ਦੇ ਹਰਕ੍ਰਿਸ਼ਨ ਨਗਰ ਨੇੜੇ ਵਰਿੰਦਰ ਪਾਰਕ 'ਚ ਲੁੱਟੇਰੇ ਨੇ ਫਿਲਮੀ ਸਟਾਈਲ 'ਚ ਇੱਕ ਕਸ਼ਮੀਰੀ ਨੌਜਵਾਨ ਤੋਂ ਲੁੱਟ ਕਰਨ ਦੀ ਕੋਸ਼ਿਸ਼ ਕੀਤੀ, ਪਰ ਉਹ ਇਸ 'ਚ ਨਾਕਾਮ ਰਿਹਾ। ਸਥਾਨਕ ਲੋਕਾਂ ਨੇ ਲੁੱਟੇਰੇ ਨੂੰ ਕਾਬੂ ਕਰ ਪੁਲਿਸ ਦੇ ਹਵਾਲੇ ਕਰ ਦਿੱਤਾ। ਨੌਜਵਾਨ ਦੇ ਦੱਸਿਆ ਕਿ ਉਹ ਕਸ਼ਮੀਰ ਦਾ ਵਸਨੀਕ ਹੈ ਤੇ ਇਥੇ ਲੋਈਆਂ ਸ਼ਾਲਾਂ ਵੇਚਦਾ ਹੈ। ਉਹ ਪਾਰਕ 'ਚ ਬੈਠਾ ਸੀ, ਕਿ ਅਚਾਨਕ ਇੱਕ ਵਿਅਕਤੀ ਨੇ ਆ ਕੇ ਉਸ ਦੀ ਅੱਖ 'ਚ ਮਿਰਚਾਂ ਪਾ ਕੇ ਉਸ ਦਾ ਫੋਨ ਖੋਹ ਲਿਆ। ਉਸ ਨੇ ਪੂਰੇ ਜੋਰ ਨਾਲ ਲੁੱਟੇਰੇ ਨੂੰ ਫੜ ਕੇ ਰੌਲਾ ਪਾਇਆ ਤਾਂ ਮੌਕੇ ਤੇ ਲੋਕ ਇੱਕਠੇ ਹੋ ਗਏ। ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਗ੍ਰਿਫ਼ਤਾਰ ਕੀਤੇ ਮੁਲਜ਼ਮ ਦੀ ਪਛਾਣ ਮਨੀਸ਼ ਵਜੋਂ ਹੋਈ ਹੈ।ਪੁਲਿਸ ਵੱਲੋਂ ਉਸ ਖਿਲਾਫ ਕਾਰਵਾਈ ਜਾਰੀ ਹੈ ਤੇ ਉਸ ਕੋਲੋਂ ਖੋਹਿਆ ਹੋਈਆਂ ਮੋਬਾਈਲ ਬਰਾਮਦ ਕਰ ਲਿਆ ਗਿਆ ਹੈ।