ਬੇਘਰ ਲੋਕਾਂ ਲਈ ਠੰਢ ਵਿੱਚ ਵਰਦਾਨ ਸਾਬਿਤ ਹੋ ਰਹੇ ਰੈਣ ਬਸੇਰੇ

ਚੰਡੀਗੜ੍ਹ: ਨਗਰ ਨਿਗਮ ਚੰਡੀਗੜ੍ਹ ਵੱਲੋਂ ਬੇਘਰ ਲੋਕਾਂ ਨੂੰ ਠੰਢੇ ਮੌਸਮ ਵਿੱਚ ਸਹਾਰਾ ਦੇਣ ਲਈ ਸ਼ਹਿਰ ਦੀਆਂ ਮੁੱਖ 10 ਥਾਵਾਂ 'ਤੇ ਰੈਣ ਬਸੇਰੇ ਬਣਾਏ ਗਏ ਹਨ। ਕੋਵਿਡ 19 ਨੂੰ ਵੇਖਦੇ ਹੋਏ ਨਾਈਟ ਸ਼ੈਲਟਰਜ਼ ਵਿੱਚ ਮਾਸਕ, ਸੈਨੇਟਾਈਜ਼ਰ ਵੀ ਲੋਕਾਂ ਨੂੰ ਦਿੱਤੇ ਜਾ ਰਹੇ ਹਨ। ਇਨ੍ਹਾਂ ਨਾਈਟ ਸ਼ੈਲਟਰਜ਼ 'ਚ ਲੇਬਰ, ਰਿਕਸ਼ਾ ਚਲਾਉਣ ਵਾਲੇ ਅਤੇ ਹੋਰ ਬੇਘਰ ਲੋਕਾਂ ਦੇ ਇਲਾਵਾ ਹਸਪਤਾਲਾਂ ਵਿੱਚ ਦਾਖ਼ਲ ਮਰੀਜ਼ਾਂ ਦੇ ਅਟੈਂਡੈਂਟ ਵੀ ਰਹਿੰਦੇ ਹਨ। ਸੈਕਟਰ 22 ਨਾਈਟ ਸ਼ੈਲਟਰ ਦੇ ਮੈਨੇਜਰ ਹਰੀਸ਼ ਕੁਮਾਰ ਨੇ ਦੱਸਿਆ ਕਿ ਲੋਕਾਂ ਨੂੰ ਸਹੂਲਤ ਦੇਣ ਦੇ ਲਈ ਨਾਈਟ ਸ਼ੈਲਟਰ ਵਿੱਚ ਹੀਟਰ ਦਾ ਇੰਤਜ਼ਾਮ ਵੀ ਕੀਤਾ ਗਿਆ ਹੈ।