ਸਰਕਾਰ ਵਲੋਂ ਉਲੰਪਿਕ ਖਿਡਾਰੀਆਂ ਨੂੰ ਕੀਤਾ ਸਨਮਾਨਿਤ
ਚੰਡੀਗੜ੍ਹ: ਪੰਜਾਬ ਸਰਕਾਰ ਵਲੋਂ ਟੋਕੀਓ ਉਲੰਪਿਕ 'ਚ ਮੱਲਾਂ ਮਾਰਨ ਵਾਲੇ ਖਿਡਾਰੀਆਂ ਨੂੰ ਸਨਮਾਨਿਤ ਕੀਤਾ ਜਾ ਰਿਹਾ ਹੈ। ਇਸ ਦੌਰਾਨ ਖਿਡਾਰਣ ਸਿਮਰਜੀਤ ਕੌਰ ਦਾ ਕਹਿਣਾ ਕਿ ਲੜਕੀਆਂ ਨੂੰ ਵੀ ਖੇਡਾਂ 'ਚ ਅੱਗੇ ਆਉਣ ਦੀ ਲੋੜ ਹੈ। ਉਨ੍ਹਾਂ ਕਿਹਾ ਕਿ ਮੁੱਕੇਬਾਜ਼ੀ 'ਚ ਉਹ ਇਕੱਲੀ ਲੜਕੀ ਸੀ, ਜੋ ਪੰਜਾਬ ਤੋਂ ਖੇਡ ਰਹੀ ਸੀ। ਉਨ੍ਹਾਂ ਕਿਹਾ ਕਿ ਆਸ ਹੈ ਕਿ ਪੰਜਾਬ ਤੋਂ ਹੋਰ ਖਿਡਾਰਣਾਂ ਖੇਡਾਂ 'ਚ ਭਾਗ ਲੈਣਗੀਆਂ ਅਤੇ ਦੇਸ਼ ਦਾ ਨਾਮ ਰੌਸ਼ਨ ਕਰਨਗੀਆਂ।