ਦਿਵਾਲੀ ਮੌਕੇ ਬਾਜ਼ਾਰਾ ਵਿੱਚ ਦੁਕਾਨਦਾਰ ਮੰਦੀ ਤੋਂ ਪ੍ਰੇਸ਼ਾਨ - diwali in punjab

ਮਾਨਸਾ: ਦੀਵਾਲੀ ਦੇ ਤਿਉਹਾਰ ਨੂੰ ਲੈ ਕੇ ਮਾਨਸਾ ਸ਼ਹਿਰ ਦੀਆਂ ਦੁਕਾਨਾਂ ਕਾਫ਼ੀ ਸਜਾਇਆ ਹੈ ਤੇ ਬਾਜ਼ਾਰਾਂ ਦੇ ਵਿੱਚ ਵੀ ਰੌਣਕਾਂ ਦਿਖਾਈ ਦੇ ਨਹੀਂ ਰਹੀਆਂ ਹਨ। ਇਸ ਤਿਉਹਾਰ 'ਤੇ ਦੁਕਾਨਦਾਰਾਂ ਦੇ ਚਿਹਰੇ ਕਾਫ਼ੀ ਮੁਰਝਾਏ ਹੋਏ ਹਨ, ਕਿਉਂਕਿ ਖ਼ਰੀਦਦਾਰੀ ਕਰਨ ਦੇ ਲਈ ਕੋਈ ਵੀ ਗਾਹਕ ਉਨ੍ਹਾਂ ਦੀਆਂ ਦੁਕਾਨਾਂ 'ਤੇ ਨਹੀਂ ਆ ਰਿਹਾ ਹੈ, ਜਿਸ ਕਾਰਨ ਦੁਕਾਨਦਾਰ ਕਾਫ਼ੀ ਉਦਾਸ ਹਨ। ਦੁਕਾਨਦਾਰ ਇਸ ਮੰਦੀ ਦਾ ਕਾਰਨ ਮੋਦੀ ਸਰਕਾਰ ਵੱਲੋਂ ਲਗਾਈ ਗਈ ਜੀਐਸਟੀ ਅਤੇ ਨੋਟਬੰਦੀ ਦੱਸ ਰਹੇ ਹਨ। ਦੁਕਾਨਦਾਰਾਂ ਨੇ ਕਿਹਾ ਕਿ ਮੰਦੀ ਦੇ ਕਾਰਨ ਉਨ੍ਹਾਂ ਨੂੰ ਦੁਕਾਨਾਂ ਦੇ ਕਿਰਾਏ ਕੱਢਣੇ ਵੀ ਮੁਸ਼ਕਿਲ ਹੋ ਰਹੇ ਹਨ। ਦੁਕਾਨਦਾਰਾਂ ਨੇ ਦੱਸਿਆ ਕਿ ਦੀਵਾਲੀ ਦੇ ਤਿਉਹਾਰ 'ਤੇ ਦੁਕਾਨਦਾਰਾਂ ਨੂੰ ਉਮੀਦ ਹੁੰਦੀ ਸੀ ਕਿ ਕਮਾਈ ਹੋਵੇਗੀ, ਪਰ ਇਸ ਵਾਰ ਜ਼ਿਆਦਾਤਰ ਆਨਲਾਈਨ ਖ਼ਰੀਦਦਾਰੀ ਹੋਣ ਕਾਰਨ ਦੁਕਾਨਦਾਰਾਂ ਨੂੰ ਮੰਦੀ ਦੇਖਣੀ ਪੈ ਰਹੀ ਹੈ।