10 ਲੱਖ 'ਚ ਵਿਕਿਆ ਨੀਲੀ ਰਾਵੀ ਕਿਸਮ ਦਾ ਝੋਟਾ 'ਵੋਵ' - khojemajra
ਫ਼ਤਿਹਗੜ੍ਹ ਸਾਹਿਬ: ਪਿੰਡ ਖੋਜੇ ਮਾਜਰਾ ਵਿਖੇ ਪਾਕਿਸਤਾਨੀ ਨੀਲੀ ਰਾਵੀ ਕਿਸਮ ਦਾ ਝੋਟਾ 10 ਲੱਖ 30 ਹਜ਼ਾਰ ਰੁਪਏ ਵਿੱਚ ਵਿਕਿਆ ਹੈ। "ਵੋਵ" ਨਾਂਅ ਦੇ ਇਸ ਝੋਟੇ ਦੀ ਉਮਰ ਅਜੇ ਤਿੰਨ ਸਾਲ ਹੈ। ਝੋਟੇ ਦੇ ਮਾਲਕ ਬਹਾਦਰ ਸਿੰਘ ਨੇ ਦੱਸਿਆ ਕਿ ਇਸ ਦੀ ਮਾਂ ਮੱਝ ਵੀ ਦੁੱਧ ਚੁਆਈ ਮੁਕਾਬਲਿਆਂ ਵਿੱਚ ਆਪਣਾ ਰਿਕਾਰਡ ਕਾਇਮ ਕਰ ਚੁੱਕੀ ਹੈ, ਜਿਸ ਨੇ ਡੇਢ ਲੱਖ ਰੁਪਏ ਤੱਕ ਇਨਾਮ ਵੀ ਜਿੱਤ ਚੁੱਕੇ ਹਨ। ਜ਼ਿਲ੍ਹਾ ਪਟਿਆਲਾ ਦੇ ਪਿੰਡ ਦੰਦਰਾਲਾ ਖਰੋੜ ਤੋਂ ਇਸ ਝੋਟੇ ਨੂੰ ਖਰੀਦਣ ਵਾਲੇ ਬਹਾਦਰ ਸਿੰਘ ਨੇ ਕਿਹਾ ਕਿ ਉਹ ਇਸ ਝੋਟੇ ਨੂੰ ਖਰੀਦ ਕੇ ਬਹੁਤ ਖੁਸ਼ ਹਨ ਅਤੇ ਉਹ ਹੁਣ ਅਗਲੀ ਨਸਲ ਇਸ ਝੋਟੇ ਤੋਂ ਹੀ ਤਿਆਰ ਕਰਨਗੇ ਤੇ ਸੀਮਨ ਫਾਰਮ ਦਾ ਕੰਮ ਕਰਨਗੇ ਤਾਂ ਜੋ ਨੀਲੀ ਰਾਵੀ ਕਿਸਮ ਦੀਆਂ ਅਲੋਪ ਹੋ ਰਹੀਆਂ ਜਾਤੀਆਂ ਹੋਰ ਵਧ ਫੁੱਲ ਸਕਣ।