ਲੁਧਿਆਣਾ ਰੇਲਵੇ ਸਟੇਸ਼ਨ ਤੋਂ 50 ਬੇਸਹਾਰਾ ਨੂੰ ਕੀਤਾ ਗਿਆ ਰੈਸਕਿਊ - ludhiana news
ਲੁਧਿਆਣਾ ਦੇ ਰੇਲਵੇ ਵਿਭਾਗ ਅਤੇ ਆਰਪੀਐੱਫ ਵੱਲੋਂ ਚਲਾਈ ਗਈ ਸਾਂਝੀ ਸਹਾਰਾ ਮੁਹਿੰਮ ਤਹਿਤ ਹੁਣ ਤੱਕ 50 ਬੇਸਹਾਰਾ ਲੋਕਾਂ ਨੂੰ ਸਹਾਰਾ ਦਿੱਤਾ ਗਿਆ ਹੈ। ਇਸ ਸਬੰਧੀ ਲੁਧਿਆਣਾ ਰੇਲਵੇ ਸਟੇਸ਼ਨ ਦੇ ਡਾਇਰੈਕਟਰ ਨੇ ਗੱਲਬਾਤ ਕਰਦਿਆਂ ਦੱਸਿਆ ਕਿ ਕਿਸ ਤਰ੍ਹਾਂ ਇਸ ਮੁਹਿੰਮ ਦੇ ਤਹਿਤ ਜਿੱਥੇ ਰੇਲਵੇ ਸਟੇਸ਼ਨ ਦੀ ਸਫ਼ਾਈ ਹੋਈ, ਉੱਥੇ ਹੀ ਜੋ ਲੋਕ ਬੇਘਰੇ ਸਨ, ਉਨ੍ਹਾਂ ਨੂੰ ਛੱਤ ਵੀ ਮਿਲੀ। ਇਸ ਦੇ ਤਹਿਤ ਇੱਕ ਐੱਨਜੀਓ ਦੇ ਨਾਲ ਮਿਲ ਕੇ ਰੇਲਵੇ ਸਟੇਸ਼ਨ ਦੇ ਬਰਾਮਦੇ 'ਚ ਰਹਿਣ ਵਾਲੇ ਗਰੀਬ ਬੇਵੱਸ ਲੋਕਾਂ ਨੂੰ ਛੱਤ ਦੇ ਨਾਲ ਸਿਹਤ ਸਹੂਲਤਾਂ ਵੀ ਮੁਹੱਈਆ ਕਰਵਾਈਆਂ ਗਈਆ।