ਮੈਰਿਜ ਕਾਨਫਰੰਸ ਵਿੱਚ 250 ਲੜਕੀਆਂ ਲਈ 11 ਹਜ਼ਾਰ ਤੋਂ ਵੱਧ ਮੁੰਡਿਆਂ ਦੀ ਲੱਗੀ ਲਾਇਨ ! - ਵਿਆਹ ਲਈ ਰਜਿਸਟ੍ਰੇਸ਼ਨ

ਕਰਨਾਟਕ ਦੇ ਮਾਂਡਿਆ ਜ਼ਿਲੇ ਦੇ ਨਾਗਮੰਗਲਾ ਤਾਲੁਕ ਦੇ ਅਦਿਚੁੰਚੁਨਾਗਿਰੀ 'ਚ ਐਤਵਾਰ ਨੂੰ ਵੋਕਲੀਗਾ ਭਾਈਚਾਰੇ ਨਾਲ ਸਬੰਧਤ ਲਾੜੇ-ਲਾੜੀ ਦਾ ਸੰਮੇਲਨ ਆਯੋਜਿਤ ਕੀਤਾ ਗਿਆ। ਕਾਨਫਰੰਸ ਵਿੱਚ ਹਜ਼ਾਰਾਂ ਨੌਜਵਾਨਾਂ ਨੇ ਸ਼ਮੂਲੀਅਤ ਕੀਤੀ। ਇਸ ਦੌਰਾਨ 11 ਹਜ਼ਾਰ ਤੋਂ ਵੱਧ ਲੜਕੇ ਅਤੇ 250 ਲੜਕੀਆਂ ਨੇ ਵਿਆਹ ਲਈ ਰਜਿਸਟ੍ਰੇਸ਼ਨ (MARRIAGE CONVENTION IN MANDYA KARNATAKA) ਕਰਵਾਈ। ਖਾਸ ਗੱਲ ਇਹ ਹੈ ਕਿ ਵਿਆਹ ਲਈ ਰਜਿਸਟ੍ਰੇਸ਼ਨ ਕਰਵਾਉਣ ਵਾਲੇ ਜ਼ਿਆਦਾਤਰ ਨੌਜਵਾਨ ਕਿਸਾਨ ਪਰਿਵਾਰਾਂ ਦੇ ਹਨ ਜਾਂ ਖੁਦ ਕਿਸਾਨ ਹਨ। ਪਰ ਵਿਆਹ ਲਈ ਲੜਕੀਆਂ ਦੀ ਗਿਣਤੀ ਬਹੁਤ ਘੱਟ ਹੋਣ ਕਾਰਨ ਕਈ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਦੱਸਿਆ ਜਾਂਦਾ ਹੈ ਕਿ ਕਾਨਫ਼ਰੰਸ ਲਈ ਕਰੀਬ 12 ਹਜ਼ਾਰ ਲੋਕਾਂ ਨੇ ਰਜਿਸਟ੍ਰੇਸ਼ਨ ਕਰਵਾਈ ਹੈ, ਜਿਨ੍ਹਾਂ 'ਚੋਂ ਸਿਰਫ਼ 250 ਲੜਕੀਆਂ ਨੇ ਹੀ ਲਾੜੇ ਲਈ ਰਜਿਸਟ੍ਰੇਸ਼ਨ ਕਰਵਾਈ ਹੈ | ਬਾਕੀ 11750 ਨੌਜਵਾਨਾਂ ਨੇ ਵਿਆਹ ਲਈ ਲਾੜੀ ਦੀ ਭਾਲ ਲਈ ਰਜਿਸਟਰੇਸ਼ਨ ਕਰਵਾਈ ਹੈ।