ਦੁਰੰਤੋ ਐਕਸਪ੍ਰੈੱਸ ਦੀ ਫੇਟ ਵੱਜਣ ਨਾਲ ਛੁੱਟੀ 'ਤੇ ਆਏ ਫੌਜੀ ਦੀ ਮੌਤ, ਵੀਡੀਓ ਵਾਇਰਲ - ਵੀਡੀਓ ਵਾਇਰਲ

ਹਰਿਆਣਾ: ਮਹੇਂਦਰਗੜ੍ਹ 'ਚ ਟਰੇਨ ਦੀ ਲਪੇਟ 'ਚ ਆਉਣ ਨਾਲ ਵਿਅਕਤੀ ਦੀ ਮੌਤ ਦਾ ਵੀਡੀਓ ਵਾਇਰਲ ਹੋ ਰਿਹਾ (Mahendragarh Train accident video viral) ਹੈ। ਵਾਇਰਲ ਵੀਡੀਓ ਪਰੇਸ਼ਾਨ ਕਰਨ ਵਾਲੀ ਹੈ। ਵੀਡੀਓ 'ਚ ਇਕ ਵਿਅਕਤੀ ਟਰੇਨ ਦੀ ਪਟੜੀ 'ਤੇ ਦੌੜਦਾ ਦਿਖਾਈ ਦੇ ਰਿਹਾ ਹੈ। ਜੋ ਕੁਝ ਹੀ ਸਕਿੰਟਾਂ ਵਿੱਚ ਟਰੇਨ ਦੀ ਲਪੇਟ ਵਿੱਚ ਆ ਜਾਂਦਾ ਹੈ। ਰੇਲਗੱਡੀ ਦੀ ਲਪੇਟ ਵਿੱਚ ਆਉਣ ਤੋਂ ਬਾਅਦ, ਉਹ ਦੂਰ ਡਿੱਗ ਗਿਆ। ਮਰਨ ਵਾਲਾ ਵਿਅਕਤੀ ਬੀਐਸਐਫ ਜਵਾਨ ਵੀਰ ਸਿੰਘ ਦੱਸਿਆ ਜਾ ਰਿਹਾ ਹੈ, ਜੋ ਬੀਕਾਨੇਰ ਵਿੱਚ ਤਾਇਨਾਤ ਸੀ ਅਤੇ ਇਨ੍ਹੀਂ ਦਿਨੀਂ ਛੁੱਟੀ ’ਤੇ ਸੀ। ਮਾਜਰਾ ਸੋਮਾਵਰ ਵਿਖੇ ਆਪਣੀ ਭੈਣ ਨੂੰ ਮਿਲਣ ਲਈ ਪਿੰਡ ਖੁਰਦ ਆਇਆ ਹੋਇਆ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਮਹੇਂਦਰਗੜ੍ਹ ਦੀ ਗਊਸ਼ਾਲਾ ਰੋਡ 'ਤੇ ਸਥਿਤ ਰੇਲਵੇ ਫਾਟਕ 'ਤੇ ਰੇਲਵੇ ਲਾਈਨ ਪਾਰ ਕਰਦੇ ਸਮੇਂ ਰੇਵਾੜੀ ਤੋਂ ਆ ਰਹੀ ਦੁਰੰਤੋ ਐਕਸਪ੍ਰੈੱਸ ਦੀ ਦੀ ਫੇਟ ਵਜੀ ਜਿਸ ਨਾਲ ਹਾਦਸੇ ਦਾ ਸ਼ਿਕਾਰ ਹੋ ਗਿਆ। ਪੁਲਿਸ ਨੇ ਪੋਸਟਮਾਰਟਮ ਮਗਰੋਂ ਵਾਰਸਾਂ ਹਵਾਲੇ ਕਰ ਦਿੱਤੀ ਹੈ। ਟਰੇਨ ਦੀ ਲਪੇਟ 'ਚ ਆਉਣ ਨਾਲ ਬੀਐਸਐਫ ਜਵਾਨ ਦੀ ਮੌਤ ਦਾ ਇਹ ਵੀਡੀਓ ਹਲੂਣ ਦੇਣ ਵਾਲਾ ਹੈ, ਜੋ ਸੋਸ਼ਲ ਮੀਡੀਆ 'ਤੇ ਵੀ ਵਾਇਰਲ ਹੋ ਰਿਹਾ ਹੈ।