ਵਿਆਹ ਵਾਲੇ ਘਰ 'ਚ ਚੋਰ ਨੇ ਕੀਤਾ ਹੱਥ ਸਾਫ਼ - ਚੰਡੀਗੜ੍ਹ

ਅੰਮ੍ਰਿਤਸਰ: ਅੰਮ੍ਰਿਤਸਰ ਦੇ ਪੌਸ਼ ਇਲਾਕੇ ਰਣਜੀਤ ਐਵੀਨਿਊ ਦੇ ਈ-ਬਲਾਕ 'ਚ ਚੋਰਾਂ ਦੁਆਰਾ ਇੱਕ ਘਰ 'ਚ ਹੱਥ ਸਾਫ਼ ਕਰਨ ਦਾ ਮਾਮਲਾ ਸਾਹਮਣਾ ਆਇਆ ਹੈ। ਦੱਸਿਆ ਜਾ ਰਿਹਾ ਪੀੜਤ ਦੇ ਘਰ ਧੀ ਦਾ ਵਿਆਹ ਸੀ ਅਤੇ ਉਹ ਇਸ ਦੀਆਂ ਤਿਆਰੀਆਂ 'ਚ ਰੁੱਝਿਆ ਹੋਇਆ ਸੀ। ਚੋਰੀ ਵਾਲੇ ਸਮੇਂ ਉਹ ਚੰਡੀਗੜ੍ਹ ਆਪਣੇ ਰਿਸ਼ਤੇਦਾਰਾਂ ਨੂੰ ਮਿਲਣ ਲਈ ਗਿਆ ਹੋਇਆ ਸੀ। 16 ਤਰੀਕ ਨੂੰ ਦੋ ਚੋਰ ਘਰ 'ਚ ਦਾਖਲ ਹੋ ਕੇ ਵਿਆਹ ਦਾ ਸਮਾਨ 25 ਤੋਂ 30 ਲੱਖ ਰੁਪਏ ਦੇ ਕਰੀਬ ਸਮਾਨ ਲੈ ਕੇ ਫ਼ਰਾਰ ਹੋ ਗਏ। ਚੋਰ ਗਹਿਣੇ ਅਤੇ 20,000 ਦੀ ਨਕਦੀ ਲੈ ਕੇ ਫ਼ਰਾਰ ਹੋ ਗਏ। ਪਰਿਵਾਰਿਕ ਮੈਂਬਰ ਜਦੋਂ ਆਪਣੇ ਘਰ ਆਏ। ਉਨ੍ਹਾਂ ਘਰ ਦਾਖ਼ਲ ਹੋ ਕੇ ਸਾਰੀ ਹਕੀਕਤ ਸੀਸੀਟੀਵੀ ਵਿੱਚ ਵੇਖੀ ਤੇ ਉਨ੍ਹਾਂ ਪੁਲਿਸ ਨੂੰ ਇਸ ਦੀ ਸੂਚਨਾ ਦਿੱਤੀ। ਪੁਲਿਸ ਨੇ ਮੌਕੇ 'ਤੇ ਪਹੁੰਚ ਕੇ ਸੀਸੀਟੀਵੀ ਕਬਜੇ 'ਚ ਲੈ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।