ਫਰੀਦਕੋਟ ਵਿੱਚ ਲੁੱਟਖੋਹ ਕਰਨ ਵਾਲੇ ਗਿਰੋਹ ਦੇ ਤਿੰਨ ਮੈਂਬਰ ਕਾਬੂ - ਫਰੀਦਕੋਟ ਖ਼ਬਰ

ਬੀਤੇ ਦਿਨੀਂ ਫਰੀਦਕੋਟ ਵਿੱਚ ਹਥਿਆਰਾਂ ਦੀ ਨੋਕ 'ਤੇ ਇੱਕ ਨਿੱਜੀ ਗੋਲਡ ਲੋਨ ਕੰਪਨੀ ਵਿੱਚ ਲੁੱਟ ਦੀ ਅਸਫ਼ਲ ਕੋਸ਼ਿਸ਼ ਨੂੰ ਅੰਜ਼ਾਮ ਦੇਣ ਦੇ ਮਾਮਲੇ ਵਿੱਚ ਤਿੰਨ ਲੁਟੇਰਿਆਂ ਨੂੰ ਸੀਆਈਏ ਸਟਾਫ ਵੱਲੋਂ ਕਾਬੂ ਕੀਤਾ ਗਿਆ, ਜਿਨ੍ਹਾਂ ਤੋਂ 2 ਪਿਸਤੌਲਾਂ, 32 ਬੋਰ ਅਤੇ 4 ਜ਼ਿੰਦਾ ਕਾਰਤੂਸ ਅਤੇ 1 ਮੋਟਰਸਾਇਕਿਲ ਬਰਾਮਦ ਕੀਤੇ ਗਏ। ਪ੍ਰੈੱਸ ਕਾਨਫਰੰਸ ਦੌਰਾਨ ਐਸਐਸਪੀ ਮਨਜੀਤ ਸਿੰਘ ਢੇਸੀ ਨੇ ਦੱਸਿਆ ਕਿ ਬੀਤੇ ਦਿਨੀਂ ਫ਼ਰੀਦਕੋਟ ਵਿੱਚ ਇੱਕ ਨਿੱਜੀ ਗੋਲਡ ਲੋਨ, ਕੰਪਨੀ ਵਿੱਚ 3 ਨਕਾਬਪੋਸ਼ ਲੁਟੇਰਿਆਂ ਵੱਲੋਂ ਪਿਸਤੌਲ ਦੀ ਨੋਕ ਤੇ ਲੁੱਟ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ, ਜਿਸ ਨੂੰ ਕੰਪਨੀ ਦੇ ਇੱਕ ਸਿੱਖ ਮੁਲਾਜ਼ਮ ਵੱਲੋਂ ਬਹਾਦਰੀ ਨਾਲ ਇਨ੍ਹਾਂ ਨਾਲ ਭਿੜ ਜਾਣ ਕਰਕੇ ਇਨ੍ਹਾਂ ਨੂੰ ਭੱਜਣ ਲਈ ਮਜ਼ਬੂਰ ਕਰ ਦਿੱਤਾ ਤੇ ਲੁੱਟ ਦੀ ਇਸ ਕੋਸ਼ਿਸ ਨੂੰ ਅਸਫ਼ਲ ਕਰ ਦਿੱਤਾ ਸੀ। ਇਸ ਦੇ ਨਾਲ ਉਨ੍ਹਾਂ ਕਿਹਾ ਇਸ ਦੀ ਪੁਸ਼ਟੀ ਜਲਦ ਕੀਤੀ ਜਾਵੇਗੀ, ਕਿ ਇਨ੍ਹਾਂ ਨਕਾਬਪੋਸ਼ਾਂ ਕੋਲੋਂ ਇਹ ਸਾਰੇ ਹਥਿਆਰ ਕਿਥੋਂ ਆਏ ਹਨ।