ਕਿਸਾਨਾਂ ਨੇ ਰਾਤ ਨੂੰ 2 ਵਜੇ ਫ੍ਰੀ ਕਰਵਾਇਆ ਸੋਨੀਪਤ ਭੀਗਾਨ ਟੋਲ ਪਲਾਜ਼ਾ

ਸੋਨੀਪਤ: ਖੇਤੀਬਾੜੀ ਕਾਨੂੰਨਾਂ ਵਿਰੁੱਧ ਕਿਸਾਨਾਂ ਦਾ ਅੰਦੋਲਨ 17 ਵੇਂ ਦਿਨ ਵੀ ਜਾਰੀ ਹੈ। ਕਿਸਾਨ ਅੱਜ ਦੇਸ਼ ਭਰ ਦੇ ਲੋਕਾਂ ਲਈ ਟੋਲ ਪਲਾਜ਼ਾ ਮੁਫ਼ਤ ਕਰਵਾ ਰਹੇ ਹਨ। ਇਸੇ ਕੜੀ ਵਿੱਚ, ਸੋਨੀਪਤ ਨੈਸ਼ਨਲ ਹਾਈਵੇਅ 44 'ਤੇ ਭੀਗਾਨ ਟੋਲ ਨੂੰ ਕਿਸਾਨਾਂ ਨੇ ਟੋਲ ਮੁਕਤ ਕਰ ਦਿੱਤਾ।ਕਿਸਾਨਾਂ ਦਾ ਜਥਾ ਰਾਤ ਦੇ 2 ਵਜੇ ਦੇ ਕਰੀਬ ਟੋਲ 'ਤੇ ਪਹੁੰਚ ਗਿਆ, ਜਿਸ ਤੋਂ ਤੁਰੰਤ ਬਾਅਦ ਲੋਕਾਂ ਨੂੰ ਟੋਲ ਮੁਕਤ ਕਰ ਦਿੱਤਾ ਗਿਆ। ਕਿਸਾਨਾਂ ਦੇ ਸੱਦੇ ਤੋਂ ਬਾਅਦ ਫਿਲਹਾਲ ਭੀਗਾਨ ਟੋਲ ਪਲਾਜ਼ੇ 'ਤੇ ਕੋਈ ਟੋਲ ਨਹੀਂ ਲਿਆ ਜਾ ਰਿਹਾ। ਹਾਲਾਂਕਿ, ਸੋਨੀਪਤ ਪੁਲਿਸ ਨੂੰ ਇੱਥੇ ਤਾਇਨਾਤ ਕੀਤਾ ਗਿਆ ਹੈ ਤੇ ਸੁਰੱਖਿਆ ਦੇ ਪੁਖਤਾ ਪ੍ਰਬੰਧ ਵੀ ਕੀਤੇ ਗਏ ਹਨ।