ਫ਼ਿਲਮੀ ਸਟਾਈਲ 'ਚ ਪੁਲਿਸ ਵਾਲੇ ਨੇ ਭੱਜ ਕੇ ਫੜਿਆ ਚੋਰ, ਲੋਕ ਕਰ ਰਹੇ ਤਾਰੀਫਾਂ - ਪੁਲਿਸ ਵਾਲੇ ਨੇ ਭੱਜ ਕੇ ਫੜਿਆ ਚੋਰ

ਮੰਗਲੁਰੂ: ਕਰਨਾਟਕ ਦੇ ਮੰਗਲੁਰੂ ਵਿੱਚ ਇੱਕ ਚੌਂਕੀ ਪੁਲਿਸ ਅਧਿਕਾਰੀ ਨੇ ਇੱਕ ਚੋਰ ਦਾ ਪਿੱਛਾ ਕੀਤਾ, ਜੋ ਇੱਕ ਮਜ਼ਦੂਰ ਤੋਂ ਮੋਬਾਈਲ ਫੋਨ ਖੋਹ ਕੇ ਭੱਜਣ ਗਿਆ ਸੀ। ਦੱਸ ਦਈਏ ਕਿ ਵਰੁਣ ਅਲਵਾ ਵਜੋਂ ਪਛਾਣੇ ਗਏ, ਪੁਲਿਸ ਅਧਿਕਾਰੀ ਨੇ ਇੰਟਰਨੈਟ 'ਤੇ ਪ੍ਰਸਿੱਧੀ ਦੇ ਨਾਲ-ਨਾਲ 10,000 ਰੁਪਏ ਦਾ ਨਕਦ ਇਨਾਮ ਜਿੱਤਿਆ ਹੈ। ਬੁੱਧਵਾਰ ਨੂੰ ਵਾਪਰੀ ਸਾਰੀ ਘਟਨਾ ਕੈਮਰੇ 'ਚ ਕੈਦ ਹੋ ਗਈ। ਮੁਲਜ਼ਮ ਚੋਰ ਦੀ ਪਛਾਣ ਹਰੀਸ਼ ਪੁਜਾਰੀ (32) ਵਜੋਂ ਹੋਈ ਹੈ। ਚੋਰਾਂ ਨੇ ਨਹਿਰੂ ਮੈਦਾਨ ਨੇੜੇ ਆਰਾਮ ਕਰ ਰਹੇ ਰਾਜਸਥਾਨ ਦੇ ਗ੍ਰੇਨਾਈਟ ਮਜ਼ਦੂਰ ਪ੍ਰੇਮ ਨਰਾਇਣ ਯੋਗੀ ਦਾ ਫੋਨ ਖੋਹ ਲਿਆ।