ਹੈਦਰਾਬਾਦ: ਮਰੀਜ਼ ਦੀ ਸਿਹਤ ਸੰਭਾਲ ਦੇ ਦੌਰਾਨ ਰੋਗੀ ਦੀ ਜਾਂਚ, ਇਲਾਜ ਦੇ ਦੌਰਾਨ ਕਿਸੇ ਵੀ ਨੁਕਸਾਨ ਤੋਂ ਬਚਾਉਣਾ ਸ਼ਾਮਿਲ ਹੈ। 17 ਸਤੰਬਰ ਨੂੰ ਹਰ ਸਾਲ ਵਿਸ਼ਵ ਰੋਗੀ ਸੁਰੱਖਿਆ ਦਿਵਸ ਵਜੋਂ ਮਨਾਇਆ ਜਾਂਦਾ ਹੈ। ਵਿਸ਼ਵਵਿਆਪੀ ਸਿਹਤ ਨੂੰ ਪਹਿਲ ਦਿੰਦੇ ਹੋਏ, ਵਿਸ਼ਵ ਸਿਹਤ ਸੰਗਠਨ ਦੇ 194 ਦੇਸ਼ਾਂ ਨੇ ਮਈ 2019 ਵਿੱਚ 72 ਵੀਂ ਵਿਸ਼ਵ ਸਿਹਤ ਅਸੈਂਬਲੀ ਵਿੱਚ ਇਸ ਦਿਨ ਨੂੰ ਵਿਸ਼ਵ ਰੋਗੀ ਸੁਰੱਖਿਆ ਦਿਵਸ ਵਜੋਂ ਮਨਾਉਣ ਦਾ ਸੰਕਲਪ ਲਿਆ। ਵਿਸ਼ਵ ਰੋਗੀ ਸੁਰੱਖਿਆ ਦਿਵਸ ਦਾ ਉਦੇਸ਼ ਜਨਤਕ ਜਾਗਰੂਕਤਾ ਅਤੇ ਭਾਗੀਦਾਰੀ ਵਧਾਉਣਾ, ਵਿਸ਼ਵਵਿਆਪੀ ਸਮਝ ਵਧਾਉਣਾ ਅਤੇ ਵਿਸ਼ਵਵਿਆਪੀ ਏਕਤਾ ਅਤੇ ਮਰੀਜ਼ਾਂ ਦੀ ਸੁਰੱਖਿਆ ਨੂੰ ਉਤਸ਼ਾਹਿਤ ਕਰਨ ਲਈ ਕਾਰਵਾਈ ਕਰਨਾ ਹੈ।
ਮਰੀਜ਼ ਦੀ ਸੁਰੱਖਿਆ
ਮਰੀਜ਼ਾਂ ਦੀ ਸੁਰੱਖਿਆ ਸਿਹਤ ਦੀ ਦੇਖਭਾਲ ਦੀ ਪ੍ਰਕਿਰਿਆ ਦੌਰਾਨ ਮਰੀਜ਼ ਨੂੰ ਹੋਣ ਵਾਲੇ ਨੁਕਸਾਨ ਤੋਂ ਬਚਾਉਣਾ ਤੇ ਸਿਹਤ ਦੇਖਭਾਲ ਨਾਲ ਜੁੜੇ ਖ਼ਤਰੇ ਨੂੰ ਘੱਟ ਕਰਨਾ ਹੈ। ਸਾਫ਼ ਨੀਤੀਆਂ, ਜਥੇਬੰਦਕ ਲੀਡਰਸ਼ਿਪ, ਸੁਰੱਖਿਆ ਸੁਧਾਰਾਂ ਨੂੰ ਚਲਾਉਣ ਲਈ ਡੇਟਾ, ਕੁਸ਼ਲ ਸਿਹਤ ਦੇਖਭਾਲ ਤੇ ਮਰੀਜ਼ਾਂ ਦੀ ਉਨ੍ਹਾਂ ਦੀ ਦੇਖਭਾਲ ਵਿੱਚ ਪ੍ਰਭਾਵਸ਼ਾਲੀ ਭਾਗੀਦਾਰੀ, ਸਭ ਨੂੰ ਸਿਹਤ ਸੰਭਾਲ ਸੁਰੱਖਿਆ ਵਿੱਚ ਟਿਕਾਊ ਅਤੇ ਮਹੱਤਵਪੂਰਣ ਸੁਧਾਰਾਂ ਨੂੰ ਯਕੀਨੀ ਬਣਾਉਣ ਦੀ ਜ਼ਰੂਰਤ ਹੈ।
ਰੋਗੀ ਦੀ ਸੁਰੱਖਿਆ ਦੇ ਮੁੱਦੇ
- ਕਲੀਨੀਕਲ ਗਲਤੀਆਂ- ਰੋਗੀ ਦੇ ਇਲਾਜ ਵਿੱਚ ਗਲ਼ਤ ਇਲਾਜ ਪ੍ਰਕਿਆ ਅਪਣਾਉਣਾ, ਕੁਝ ਇਲਾਜਾਂ ਨੂੰ ਛੱਡ ਦੇਣ, ਇਲਾਜ ਵਿੱਚ ਦੇਰੀ ਕਰਨ ਵਰਗੇ ਮੁੱਦੇ ਸ਼ਾਮਿਲ ਹਨ।
- ਲਾਗ - ਇਹ ਉਹ ਗਲਤੀਆਂ ਹਨ ਜੋ ਮਰੀਜ਼ ਦੇ ਹਸਪਤਾਲ ਵਿੱਚ ਭਰਤੀ ਹੋਣ ਵੇਲੇ ਹੁੰਦੀਆਂ ਹਨ। ਭਰਤੀ ਦੌਰਾਨ ਮਰੀਜ਼ ਨੂੰ ਲਾਗ ਤੋਂ ਬਚਾਉਣ ਲਈ ਸਿਹਤ ਕਰਮਚਾਰੀਆਂ ਦੀ ਇਹ ਇੱਕ ਮਹੱਤਵਪੂਰਣ ਜ਼ਿੰਮੇਵਾਰੀ ਬਣਦੀ ਹੈ।
- ਦਵਾਈ ਦੇਣ ਵਿੱਚ ਗਲਤੀਆਂ - ਜਦੋਂ ਕਿਸੇ ਮਰੀਜ਼ ਨੂੰ ਗਲਤ ਦਵਾਈ ਦਿੱਤੀ ਜਾਂਦੀ ਹੈ ਜਾਂ ਸਹੀ ਦਵਾਈ ਦੀ ਗਲਤ ਖੁਰਾਕ ਮਿਲ ਜਾਂਦੀ ਹੈ, ਤਾਂ ਮਰੀਜ਼ ਦੀ ਸਿਹਤ 'ਤੇ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੁੰਦਾ ਹੈ।
- ਮਰੀਜ਼ ਦੀ ਦੁਬਾਰਾ ਭਰਤੀ- ਜਦੋਂ ਕੋਈ ਡਿਸਚਾਰਜ ਹੋਣ ਤੋਂ 30 ਦਿਨਾਂ ਦੇ ਅੰਦਰ ਅੰਦਰ ਕੋਈ ਮਰੀਜ਼ ਦੁਬਾਰਾ ਹਸਪਤਾਲ ਆਉਂਦਾ ਹੈ, ਤਾਂ ਇਹ ਉਸਦੀ ਸਿਹਤ 'ਤੇ ਗੰਭੀਰ ਪ੍ਰਭਾਵ ਪਾਉਂਦਾ ਹੈ।
- ਗਲਤ ਸਰਜਰੀ - ਮਰੀਜ਼ ਦੇ ਆਪ੍ਰੇਸ਼ਨ ਦੌਰਾਨ ਲਾਪਰਵਾਹੀ, ਸਰੀਰ ਦੇ ਗਲਤ ਹਿੱਸੇ ਉੱਤੇ ਸਰਜਰੀ ਮਰੀਜ਼ ਲਈ ਘਾਤਕ ਸਿੱਧ ਹੋ ਸਕਦੀ ਹੈ।
- ਸੰਚਾਰ - ਹਸਪਤਾਲ ਦੇ ਅਮਲੇ ਦੇ ਨਾਲ ਨਾਲ ਮਰੀਜ਼ ਅਤੇ ਡਾਕਟਰ ਦੇ ਵਿਚਕਾਰ ਚੰਗੀ ਤੇ ਪਾਰਦਰਸ਼ੀ ਗੱਲਬਾਤ ਬਹੁਤ ਜ਼ਰੂਰੀ ਹੈ। ਇਨ੍ਹਾਂ ਵਿੱਚੋਂ ਕਿਸੇ ਨੂੰ ਵੀ ਉਲਝਣ ਵਿੱਚ ਰੱਖਣਾ ਖ਼ਤਰਨਾਕ ਹੋ ਸਕਦਾ ਹੈ।
ਥੀਮ 2020
ਕੋਵਿਡ–19 ਮਹਾਂਮਾਰੀ ਦੇ ਦੌਰਾਨ ਕਈ ਦੇਸ਼ਾਂ ਵਿੱਚ ਸਿਹਤ ਕਰਮੀਆਂ, ਨਰਸਾਂ ਤੇ ਹੋਰ ਫ਼ਰੰਟ-ਲਾਈਨ ਸਿਹਤ ਕਰਮਚਾਰੀਆਂ ਨੂੰ ਹੀਰੋ ਮੰਨਿਆ ਜਾਂਦਾ ਹੈ, ਫਿਰ ਵੀ ਹਰ ਕੋਈ ਉਨ੍ਹਾਂ ਦੇ ਯਤਨਾਂ ਅਤੇ ਯੋਗਦਾਨ ਦੀ ਕਦਰ ਨਹੀਂ ਕਰਦਾ। ਇਸ ਮਹਾਮਾਰੀ ਦੀ ਸ਼ੁਰੂਆਤ ਤੋਂ ਬਾਅਦ ਸਿਹਤ ਸੰਭਾਲ ਕਰਮਚਾਰੀਆਂ ਦੀਆਂ ਕਹਾਣੀਆਂ ਨੂੰ ਮੀਡੀਆ ਦਾ ਬਹੁਤ ਜ਼ਿਆਦਾ ਧਿਆਨ ਖਿੱਚਿਆ ਹੈ।
ਮੈਕਸੀਕੋ ਵਿੱਚ ਨਰਸਾਂ ਤੇ ਡਾਕਟਰਾਂ 'ਤੇ ਹਮਲਾ ਕੀਤਾ ਗਿਆ। ਫਿਲੀਪੀਨਜ਼ ਵਿੱਚ, ਇੱਕ ਨਰਸ ਦੇ ਚਿਹਰਾ ਉੱਤੇ ਬਲੀਚ ਸੁੱਟ ਦਿੱਤਾ ਸੀ, ਜਿਸ ਨਾਲ ਉਸ ਦੀ ਨਿਗਾ ਉੱਤੇ ਕਾਫ਼ੀ ਅਸਰ ਪਿਆ। ਭਾਰਤ ਵਿੱਚ ਸਿਹਤ ਸੰਭਾਲ ਕਰਮਚਾਰੀਆਂ ਨੂੰ ਕੁੱਟਿਆ, ਪੱਥਰ ਮਾਰਿਆ ਗਿਆ, ਥੁੱਕਿਆ ਗਿਆ, ਧਮਕਾਇਆ ਗਿਆ ਅਤੇ ਘਰੋਂ ਕੱਢੇ ਜਾਣ ਦੀਆਂ ਵੀ ਖ਼ਬਰਾਂ ਹਨ। ਸੰਯੁਕਤ ਰਾਜ ਤੇ ਆਸਟ੍ਰੇਲੀਆ ਵਿੱਚ ਵੀ ਸਿਹਤ ਕਰਮਚਾਰੀਆਂ ਨਾਲ ਦੁਰਵਿਵਹਾਰ ਦੇਖਿਆ ਗਿਆ।
ਭਾਰਤ ਵਿੱਚ ਸਿਹਤ ਕਰਮਚਾਰੀਆਂ ਉੱਤੇ ਹਮਲੇ ਦੀਆਂ ਕੁੱਝ ਘਟਨਾਵਾਂ
- 15 ਅਪਰੈਲ ਨੂੰ ਡਾਕਟਰਾਂ ਤੇ ਮੈਡੀਕਲ ਸਟਾਫ਼ ਦੀ ਇੱਕ ਟੀਮ ਮੁਰਾਦਾਬਾਦ ਦੇ ਨਵਾਬਗੰਜ ਇਲਾਕੇ ਵਿੱਚ ਪਹੁੰਚੀ ਸੀ ਕੋਵਿਡ ਮਰੀਜ਼ ਦੇ ਸਪੰਰਕ ਵਿੱਚ ਆਏ ਲੋਕਾਂ ਦੀ ਜਾਂਚ ਕਰਨ ਸਮੇਂ ਮੈਡੀਕਲ ਸਟਾਫ਼ ਉੱਤੇ ਭੀੜ ਨੇ ਪੱਥਰਬਾਜ਼ੀ ਸ਼ੁਰੂ ਕਰ ਦਿੱਤੀ।
- 14 ਅਪਰੈਲ ਨੂੰ ਦਿੱਲੀ ਦੇ ਲੋਕ ਨਾਇਕ ਹਸਪਤਾਲ ਵਿੱਚ ਸਰਜੀਕਲ ਵਾਰਡ ਦੇ ਅੰਦਰ ਇੱਕ ਮਰੀਜ਼ ਦੁਆਰਾ ਇੱਕ ਮਹਿਲਾ ਡਾਕਟਰ ਦੇ ਨਾਲ ਕਥਿਛ ਤੌਰ ਉੱਤੇ ਕੁੱਟਮਾਰ ਕੀਤੀ ਗਈ।
- ਦਿੱਲੀ ਦੇ ਸਫਦਰਜੰਗ ਹਸਪਤਾਲ ਦੀਆਂ ਦੋ ਔਰਤ ਡਾਕਟਰਾਂ 'ਤੇ 8 ਅਪਰੈਲ ਦੀ ਦੇਰ ਰਾਤ ਉਨ੍ਹਾਂ ਦੇ ਗੁਆਂਢੀ ਨੇ ਕਥਿਤ ਤੌਰ' ਤੇ ਹਮਲਾ ਕੀਤਾ ਸੀ ਜਿਸ ਨੇ ਉਨ੍ਹਾਂ 'ਤੇ ਗੌਤਮ ਨਗਰ ਖੇਤਰ ਵਿੱਚ ਕੋਵਿਡ 19 ਫੈਲਾਉਣ ਦਾ ਦੋਸ਼ ਲਾਇਆ ਸੀ।
- ਕੋਰੋਨਾ ਵਾਇਰਸ ਕਾਰਨ ਮਰਨ ਵਾਲੇ ਇੱਕ ਵਿਅਕਤੀ ਦੇ ਪਰਿਵਾਰ ਨੇ 1 ਅਪਰੈਲ ਨੂੰ ਹੈਦਰਾਬਾਦ ਦੇ ਗਾਂਧੀ ਮੈਡੀਕਲ ਹਸਪਤਾਲ ਵਿੱਚ ਕਥਿਤ ਤੌਰ 'ਤੇ ਦੋ ਡਾਕਟਰਾਂ ਉੱਤੇ ਹਮਲਾ ਕੀਤਾ ਸੀ।
- ਗੁਜਰਾਤ ਦੇ ਸੂਰਤ ਵਿੱਚ ਨਿਊ ਸਿਵਲ ਹਸਪਤਾਲ ਵਿੱਚ 23 ਮਾਰਚ ਨੂੰ ਇੱਕ ਸਿਹਤ ਸੰਭਾਲ ਪੇਸ਼ੇਵਰ ਨੂੰ ਉਸ ਦੇ ਅਪਾਰਟਮੈਂਟ ਦੇ ਵਸਨੀਕਾਂ ਨੇ ਧਮਕਾਇਆ।
- ਐਸਡੀਐਮ ਅਤੇ ਪੁਲਿਸ ਅਧਿਕਾਰੀ ਨੇ 11 ਅਪਰੈਲ ਨੂੰ ਭਰਤਪੁਰ ਦੇ ਸਰਕਾਰੀ ਮੈਡੀਕਲ ਕਾਲਜ ਦੇ ਇੱਕ ਡਾਕਟਰ ਨੂੰ ਥੱਪੜ ਮਾਰਿਆ ਅਤੇ ਉਸਦਾ ਅਪਮਾਨ ਕੀਤਾ।
- ਭੋਪਾਲ ਦੇ ਏਮਜ਼ ਦੇ ਦੋ ਨਿਵਾਸੀ ਡਾਕਟਰਾਂ ਦੀ ਕੁਝ ਪੁਲਿਸ ਵਾਲਿਆਂ ਨੇ ਉਸ ਸਮੇਂ ਕੁੱਟਮਾਰ ਕੀਤੀ ਜਦੋਂ ਉਹ 8 ਅਪਰੈਲ ਨੂੰ ਡਿਊਟੀ ਤੋਂ ਬਾਅਦ ਘਰ ਪਰਤ ਰਹੇ ਸਨ। ਰਿਪੋਰਟਾਂ ਦੇ ਅਨੁਸਾਰ, ਇੱਕ ਡਾਕਟਰ ਦੇ ਹੱਥ ਵਿੱਚ ਫਰੈਕਚਰ ਆਇਆ ਅਤੇ ਦੂਜੇ ਦੇ ਪੈਰ ਵਿੱਚ ਸੱਟ ਲੱਗ ਗਈ।
- 1 ਅਪਰੈਲ ਨੂੰ ਬੰਗਲੌਰ ਦੇ ਸਾਦਿਕ ਨਗਰ, ਸਦੀਪਪਾਲੀਆ ਵਿੱਚ 40-50 ਵਿਅਕਤੀਆਂ ਦੇ ਇੱਕ ਸਮੂਹ ਵੱਲੋਂ ਇੱਕ ਮਾਨਤਾ ਪ੍ਰਾਪਤ ਸਮਾਜਕ ਸਿਹਤ ਕਾਰਜਕਰਤਾ (ਆਸ਼ਾ) ਨਾਲ ਛੇੜਛਾੜ ਕੀਤੀ ਗਈ, ਜਦੋਂ ਉਹ ਕੋਵਿਡ-19 ਦੇ ਸ਼ੱਕੀ ਮਾਮਲੇ ਵਿੱਚ ਅੰਕੜੇ ਇਕੱਠੇ ਕਰ ਰਹੀ ਸੀ।
- ਸਿਹਤ ਸੰਭਾਲ ਕਰਮਚਾਰੀਆਂ ਵਿਰੁੱਧ ਹਿੰਸਾ ਕੋਈ ਨਵਾਂ ਵਰਤਾਰਾ ਨਹੀਂ ਹੈ। ਕੋਵੀਡ -19 ਮਹਾਂਮਾਰੀ ਤੋਂ ਪਹਿਲਾਂ ਵੀ ਇਸ ਤਰ੍ਹਾਂ ਦੇ ਹਮਲੇ ਵਿਸ਼ਵ ਭਰ ਵਿੱਚ ਵੇਖੇ ਜਾ ਚੁੱਕੇ ਹਨ। ਸਿਹਤ ਕਰਮਚਾਰੀਆਂ 'ਤੇ ਇਹ ਹਮਲੇ ਸਮਾਜ ਦੇ ਸਾਰੇ ਪੱਧਰਾਂ ਵਿੱਚ ਡਰ ਦਾ ਮਾਹੌਲ ਪੈਦਾ ਕਰਦੇ ਹਨ ਅਤੇ ਸੇਵਾ ਵਰਗੇ ਪਵਿੱਤਰ ਕੰਮ ਨੂੰ ਕਲੰਕ ਲਗਾਉਂਦੇ ਹਨ।
ਇਸ ਲਈ ਇਸ ਸਾਲ ਵਿਸ਼ਵ ਰੋਗੀ ਸੁਰੱਖਿਆ ਦਿਵਸ ਦਾ ਵਿਸ਼ਾ ਹੈ 'ਸਿਹਤ ਕਰਮਚਾਰੀ ਸੁਰੱਖਿਆ: ਮਰੀਜ਼ਾਂ ਦੀ ਸੁਰੱਖਿਆ ਲਈ ਪਹਿਲ'
ਸਿਹਤ ਪ੍ਰਣਾਲੀ ਸਿਰਫ਼ ਸਿਹਤ ਕਰਮਚਾਰੀਆਂ ਨਾਲ ਕੰਮ ਕਰ ਸਕਦੀ ਹੈ, ਮਰੀਜ਼ਾਂ ਦੀ ਸੁਰੱਖਿਅਤ ਦੇਖਭਾਲ ਲਈ ਇੱਕ ਜਾਣਕਾਰ, ਕੁਸ਼ਲ ਅਤੇ ਪ੍ਰੇਰਿਤ ਸਿਹਤ ਸਗੰਠਨ ਮਹੱਤਵਪੂਰਨ ਹੈ। ਕੋਰੋਨਾ ਵਾਇਰਸ ਮਹਾਂਮਾਰੀ ਦੌਰਾਨ, ਡਬਲਯੂਐਚਓ ਦੁਆਰਾ ਇਸ ਦਿਨ ਨੂੰ ਪਲਾਨ ਕਰਨ ਅਤੇ ਮਨਾਉਣ ਦੇ ਲਈ ਕਈ ਗਤੀਵਿਧੀਆਂ ਦੇ ਸੁਮੇਲ ਦੀ ਯੋਜਨਾ ਬਣਾਈ ਜਾ ਰਹੀ ਹੈ। ਇਨ੍ਹਾਂ ਗਤੀਵਿਧੀਆਂ ਵਿੱਚ ਸਥਾਨਿਕ ਅਧਿਕਾਰੀਆਂ ਦੀ ਸਹਾਇਤਾ ਨਾਲ ਇਤਿਹਾਸਿਕ ਇਮਾਰਤਾਂ, ਨਿਸ਼ਾਨੀਆਂ ਅਤੇ ਸੰਤਰੀ ਰੰਗ ਵਿੱਚ ਜਨਤਕ ਸਥਾਨਾਂ ਨੂੰ ਪ੍ਰਕਾਸ਼ਮਾਨ ਕਰਨਾ ਸ਼ਾਮਿਲ ਹੈ। ਇਹ ਸਾਰੇ ਸਿਹਤ ਕਰਮਚਾਰੀਆਂ ਦਾ ਆਦਰ ਤੇ ਧੰਨਵਾਦ ਕਰਨ ਲਈ ਹੋਵੇਗਾ। ਇਸ ਥੀਮ ਦੇ ਤਹਿਤ ਕੁੱਝ ਨਾਅਰੇ ਵੀ ਲਿਖੇ ਗਏ ਹਨ ਜਿਸ ਵਿੱਚ ਸ਼ਾਮਿਲ ਹਨ -
ਨਾਅਰੇ: ਸੁਰੱਖਿਅਤ ਸਿਹਤ ਕਰਮਚਾਰੀ, ਸੁਰੱਖਿਅਤ ਮਰੀਜ਼