ਟੋਰਾਂਟੋ :ਅਧਿਐਨ ਅਨੁਸਾਰ, ਵਿਟਾਮਿਨ ਡੀ ਦੀ ਖੁਰਾਕ ਲੈਣ ਨਾਲ ਦਿਮਾਗੀ ਕਮਜ਼ੋਰੀ ਨੂੰ ਰੋਕਣ ਵਿੱਚ ਮਦਦ ਮਿਲ ਸਕਦੀ ਹੈ। ਕੈਨੇਡਾ ਦੀ ਇੱਕ ਯੂਨੀਵਰਸਿਟੀ ਅਤੇ ਯੂਕੇ ਦੀ ਯੂਨੀਵਰਸਿਟੀ ਦੇ ਖੋਜਕਰਤਾਵਾਂ ਨੇ ਯੂਐਸ ਨੈਸ਼ਨਲ ਅਲਜ਼ਾਈਮਰ ਕੋਆਰਡੀਨੇਟਿੰਗ ਸੈਂਟਰ ਦੇ 12,388 ਤੋਂ ਵੱਧ ਭਾਗੀਦਾਰਾਂ ਵਿੱਚ ਵਿਟਾਮਿਨ ਡੀ ਅਤੇ ਦਿਮਾਗੀ ਕਮਜ਼ੋਰੀ ਦੇ ਵਿਚਕਾਰ ਦੇ ਸਬੰਧ ਦਾ ਪਤਾ ਲਗਾਇਆ।
ਵਿਟਾਮਿਨ ਡੀ ਦਾ ਦਿਮਾਗ 'ਤੇ ਪ੍ਰਭਾਵ: ਜਿਨ੍ਹਾਂ ਦੀ ਉਮਰ 71 ਸਾਲ ਸੀ ਜਦੋ ਉਨ੍ਹਾਂ ਨੇ ਟੈਸਟ ਕਰਵਾਇਆ ਤਾਂ ਉਹ ਡਿਮੈਂਸ਼ੀਆ ਮੁਕਤ ਪਾਏ ਗਏ। ਇਨ੍ਹਾਂ ਵਿੱਚੋਂ 37 ਪ੍ਰਤੀਸ਼ਤ ਲੋਕਾਂ ਨੇ ਵਿਟਾਮਿਨ ਡੀ ਦੀ ਖੁਰਾਕ ਲਈ ਸੀ। ਡਾਇਗਨੋਸਿਸ, ਅਸੈਸਮੈਂਟ ਅਤੇ ਡਿਜ਼ੀਜ਼ ਮਾਨੀਟਰਿੰਗ ਵਿੱਚ ਪ੍ਰਕਾਸ਼ਿਤ ਅਧਿਐਨ ਵਿੱਚ ਪਾਇਆ ਗਿਆ ਕਿ ਵਿਟਾਮਿਨ ਡੀ ਲੈਣ ਨਾਲ ਡਿਮੈਂਸ਼ੀਆ ਮੁਕਤ ਹੋਇਆ ਜਾ ਸਕਦਾ ਹੈ। 2,696 ਭਾਗੀਦਾਰ ਨੇ ਦਸ ਸਾਲਾਂ ਵਿੱਚ ਵਿਟਾਮਿਨ ਡੀ ਦੀ ਖੁਰਾਕ ਲੈ ਕੇ ਆਪਣੀ ਦਿਮਾਗੀ ਕਮਜ਼ੋਰੀ ਨੂੰ ਠੀਕ ਕੀਤਾ ਹੈ। ਇਨ੍ਹਾਂ ਵਿੱਚੋਂ 2,017 ਲੋਕ ਡਿਮੈਂਸ਼ੀਆ ਹੋਣ ਤੋਂ ਪਹਿਲਾ ਵਿਟਾਮਿਨ ਡੀ ਦੇ ਸੰਪਰਕ ਵਿੱਚ ਨਹੀਂ ਸੀ। ਖੋਜ ਦੀ ਅਗਵਾਈ ਕਰਨ ਵਾਲੇ ਕੈਲਗਰੀ ਯੂਨੀਵਰਸਿਟੀ ਅਤੇ ਐਕਸੀਟਰ ਯੂਨੀਵਰਸਿਟੀ ਦੇ ਪ੍ਰੋਫੈਸਰ ਜ਼ਹੀਨੂਰ ਇਸਮਾਈਲ ਨੇ ਕਿਹਾ, "ਅਸੀਂ ਜਾਣਦੇ ਹਾਂ ਕਿ ਵਿਟਾਮਿਨ ਡੀ ਦਾ ਦਿਮਾਗ 'ਤੇ ਪ੍ਰਭਾਵ ਪੈਦਾ ਹੈ ਤੇ ਇਸ ਨਾਲ ਦਿਮਾਗੀ ਕਮਜ਼ੋਰੀ ਨੂੰ ਠੀਕ ਕੀਤਾ ਜਾ ਸਕਦਾ ਹੈ।
ਪੁਰਸ਼ਾਂ ਦੇ ਮੁਕਾਬਲੇ ਔਰਤਾਂ ਵਿੱਚ ਵਿਟਾਮਿਨ ਡੀ ਦਾ ਜ਼ਿਆਦਾ ਪ੍ਰਭਾਵ:ਸਾਡੀਆਂ ਖੋਜਾਂ ਉਹਨਾਂ ਲੋਕਾਂ ਵਿੱਚ ਮਹੱਤਵਪੂਰਨ ਸਮਝ ਪ੍ਰਦਾਨ ਕਰਦੀਆਂ ਹਨ ਜਿਨ੍ਹਾਂ ਨੂੰ ਵਿਟਾਮਿਨ ਡੀ ਖੁਰਾਕ ਲਈ ਵਿਸ਼ੇਸ਼ ਤੌਰ 'ਤੇ ਨਿਸ਼ਾਨਾ ਬਣਾਇਆ ਜਾ ਸਕਦਾ ਹੈ। ਵਿਟਾਮਿਨ ਡੀ ਸਾਰੇ ਲੋਕਾਂ ਲਈ ਪ੍ਰਭਾਵਸ਼ਾਲੀ ਸੀ। ਟੀਮ ਨੇ ਪਾਇਆ ਕਿ ਪੁਰਸ਼ਾਂ ਦੇ ਮੁਕਾਬਲੇ ਔਰਤਾਂ ਵਿੱਚ ਵਿਟਾਮਿਨ ਡੀ ਦਾ ਕਾਫ਼ੀ ਜ਼ਿਆਦਾ ਪ੍ਰਭਾਵ ਸੀ। ਵਿਟਾਮਿਨ ਡੀ ਦਾ ਪ੍ਰਭਾਵ ਉਹਨਾਂ ਲੋਕਾਂ ਵਿੱਚ ਕਾਫ਼ੀ ਜ਼ਿਆਦਾ ਸੀ ਜਿਨ੍ਹਾਂ ਕੋਲ APOE4 ਜੀਨ ਨਹੀਂ ਸੀ। ਲੇਖਕ ਸੁਝਾਅ ਦਿੰਦੇ ਹਨ ਕਿ APOE4 ਜੀਨ ਵਾਲੇ ਲੋਕ ਆਪਣੇ ਅੰਤੜੀਆਂ ਵਿੱਚੋਂ ਵਿਟਾਮਿਨ ਡੀ ਨੂੰ ਬਿਹਤਰ ਢੰਗ ਨਾਲ ਜਜ਼ਬ ਕਰਦੇ ਹਨ। ਪਿਛਲੀ ਖੋਜ ਨੇ ਪਾਇਆ ਹੈ ਕਿ ਵਿਟਾਮਿਨ ਡੀ ਦੇ ਘੱਟ ਪੱਧਰ ਡਿਮੈਂਸ਼ੀਆ ਦੇ ਉੱਚ ਜੋਖਮ ਨਾਲ ਜੁੜੇ ਹੋਏ ਹਨ। ਵਿਟਾਮਿਨ ਡੀ ਦਿਮਾਗ ਵਿੱਚ ਐਮੀਲੋਇਡ ਦੀ ਕਲੀਅਰੈਂਸ ਵਿੱਚ ਸ਼ਾਮਲ ਹੁੰਦਾ ਹੈ, ਜਿਸਦਾ ਇਕੱਠਾ ਹੋਣਾ ਅਲਜ਼ਾਈਮਰ ਰੋਗ ਦੇ ਲੱਛਣਾਂ ਵਿੱਚੋਂ ਇੱਕ ਹੈ।
ਦੱਸ ਦਈਏ ਕਿ VitaMIND ਨਾਲ ਸੰਬੰਧਿਤ ਇੱਕ ਅਧਿਐਨ ਵੀ ਚਲਾਇਆ ਜਾਂਦਾ ਹੈ ਜੋ 40 ਸਾਲ ਅਤੇ ਇਸ ਤੋਂ ਵੱਧ ਉਮਰ ਦੇ ਲੋਕਾਂ ਲਈ ਇੱਕ ਔਨਲਾਈਨ ਅਧਿਐਨ ਹੈ। ਇਹ ਅਧਿਐਨ CAN-Protect 40 ਸਾਲ ਜਾਂ ਇਸ ਤੋਂ ਵੱਧ ਉਮਰ ਦੇ ਲੋਕਾਂ ਵਿੱਚ ਬੁਢਾਪੇ ਨਾਲ ਜੁੜਿਆ ਹੋਇਆ ਔਨਲਾਈਨ ਅਧਿਐਨ ਹੈ। ਜਿਸ ਵਿੱਚ ਡਿਮੈਸ਼ੀਆ ਨਾਲ ਪੀੜਿਤ ਲੋਕਾਂ ਦੀ ਦੇਖਭਾਲ ਕੀਤੀ ਜਾਂਦੀ ਹੈ ਤੇ ਉਨ੍ਹਾਂ ਵੱਲ ਵਾਧੂ ਧਿਆਨ ਦਿੱਤਾ ਜਾਂਦਾ ਹੈ।
ਇਹ ਵੀ ਪੜ੍ਹੋ :-Influenza Subtype Virus: ਬਦਲਦੇ ਮੌਸਮ ਦੌਰਾਨ ਨਜ਼ਰਅੰਦਾਜ਼ ਨਾ ਕਰੋ ਇਹ ਲੱਛਣ, ਜਾਣੋ ਸਾਵਧਾਨੀ
