ਬੈਡਮਿੰਟਨ ਸਟਾਰ ਸਾਇਨਾ ਨੇਹਵਾਲ, ਮੁੱਕੇਬਾਜ਼ੀ ਦੀ ਵਿਸ਼ਵ ਚੈਂਪੀਅਨ ਐਮਸੀ ਮੈਰੀਕਾਮ, ਓਲੰਪਿਕ ਕਾਂਸੀ ਦਾ ਤਗ਼ਮਾ ਜੇਤੂ ਯੋਗੇਸ਼ਵਰ ਦੱਤ ਲੋਕਾਂ 'ਚ ਮਾਸਕ ਬਾਰੇ ਜਾਗਰੂਕਤਾ ਫੈਲਾਉਣ ਦੀ ਮੁਹਿੰਮ ਵਿੱਚ ਅੱਗੇ ਆਏ ਹਨ। ਇਨ੍ਹਾਂ ਖੇਡ ਸਿਤਾਰਿਆਂ ਦੇ ਨਾਲ-ਨਾਲ ਬਿਪਾਸ਼ਾ ਬਾਸੂ, ਡਾਇਨਾ ਪਿੰਟੀ, ਮੌਨੀ ਰਾਏ ਅਤੇ ਕੀਰਤੀ ਸੁਰੇਸ਼ ਨੇ ਮਾਸਕ ਬਾਰੇ ਲੋਕਾਂ ਵਿੱਚ ਜਾਗਰੂਕਤਾ ਫੈਲਾਉਣ ਦੀ ਮੁਹਿੰਮ ਵਿੱਚ ਐਨਜੀਓ ਅਪਨਾਮਾਸਕ ਨਾਲ ਸਾਂਝੇਦਾਰੀ ਕੀਤੀ ਹੈ।
ਆਪਣੀ ਕਿਸਮ ਦੀ ਇਸ ਪਹਿਲੀ ਮੁਹਿੰਮ ਦਾ ਉਦੇਸ਼ ਇੱਕ ਛੋਟੇ ਹਥਿਆਰ - 'ਮਾਸਕ' ਨਾਲ ਭਾਰਤ ਦੀ ਰੱਖਿਆ ਲਈ 'ਕੋਰੋਨਾ ਸੋਲਜ਼ਰ' ਨਿਯੁਕਤ ਕਰਨਾ ਹੈ। ਅਪਨਾਮਾਸਕ ਅਤੇ ਸਵੈਇੱਛਕ ਸਮੂਹ ਸਟਾਰਟਅਪਸ ਬਨਾਮ ਕੋਵਿਡ ਨੇ 'ਆਈਐਮਕੋਰਨਾਸੋਲਜ਼ਰ' ਮੁਹਿੰਮ ਦੀ ਸ਼ੁਰੂਆਤ ਕੀਤੀ ਹੈ। ਇਸ ਮੁਹਿੰਮ ਦਾ ਉਦੇਸ਼ 'ਕੋਰੋਨਾ ਸੈਨਿਕਾਂ' ਦੀ ਇੱਕ ਮਜ਼ਬੂਤ ਫੌਜ ਤਿਆਰ ਕਰਨਾ ਹੈ, ਜੋ ਇੱਕ ਛੋਟੇ ਹਥਿਆਰ - 'ਮਾਸਕ' ਨਾਲ ਦੇਸ਼ ਨੂੰ ਕੋਰੋਨਾ ਵਾਇਰਸ ਤੋਂ ਬਚਾਏਗੀ। ਜਦੋਂ ਵੀ ਕੋਰੋਨਾ ਸੈਨਿਕ ਘਰ ਤੋਂ ਬਾਹਰ ਜਾਂਦੇ ਹਨ, ਉਹ ਖ਼ੁਦ ਮਾਸਕ ਪਹਿਨਣ ਦੇ ਹਨ ਤੇ ਦੂਜਿਆਂ ਨੂੰ ਵੀ ਮਾਸਕ ਪਹਿਨਣ ਲਈ ਉਤਸ਼ਾਹਿਤ ਕਰਦੇ ਹਨ।
ਸੈਨਾ ਦੇ ਬਹਾਦਰ ਸਿਪਾਹੀ, ਲੈਫ਼ਟੀਨੈਂਟ ਕਰਨਲ ਐਮ ਕੇ ਸਿਨਹਾ (ਸੇਵਾਮੁਕਤ), ਕਾਰਗਿਲ ਵਾਰ ਦੇ ਨਾਇਕ ਅਤੇ ਮੇਜਰ ਗੌਰਵ ਆਰਿਆ (ਰਿਟਾਡ) ਦੇ ਨਾਲ ਸਪੋਰਟਸ ਸਟਾਰ ਸਾਇਨਾ ਨੇਹਵਾਲ, ਮੈਰੀ ਕੌਮ ਅਤੇ ਯੋਗੇਸ਼ਵਰ ਦੱਤ ਅਤੇ ਬਿਪਾਸ਼ਾ ਬਾਸੂ, ਡਾਇਨਾ ਪਿੰਟੀ, ਮੌਨੀ ਰਾਏ ਅਤੇ ਕੀਰਤੀ ਸੁਰੇਸ਼ ਇਸ ਮੁਹਿੰਮ ਅਪਨਾਮਾਸਕ ਦੇ ਨਾਲ ਜੁੜ ਗਏ ਹਨ, ਉਹ ਹਰ ਭਾਰਤੀ ਨੂੰ ਇੱਕ ਮਾਸਕ ਪਾ ਕੇ ਕੋਰੋਨਾ ਸੈਨਿਕ ਬਣਨ ਲਈ ਪ੍ਰੇਰਿਤ ਕਰ ਰਹੇ ਹਨ ਤੇ ਕੋਵਿਡ -19 ਨਾਲ ਭਾਰਤ ਨੂੰ ਜਿੱਤਣ ਵਿੱਚ ਸਹਾਇਤਾ ਕਰ ਰਹੇ ਹਨ।