ਦੱਖਣੀ ਸੂਡਾਨ ਅਤੇ ਕਾਂਗੋ ਗਣਤੰਤਰ ਵਿੱਚ ਕੋਵਿਡ ਚੁਣੌਤੀ ਨਾਲ ਨਜਿੱਠਣ ਲਈ ਸੰਯੁਕਤ ਰਾਸ਼ਟਰ (ਯੂ.ਐੱਨ.) ਦੇ ਸ਼ਾਂਤੀ ਸੁਰੱਖਿਆ ਅਭਿਆਨ ਦੇ ਹਿੱਸੇ ਵਜੋਂ ਡਾਕਟਰੀ ਸਹੂਲਤਾਂ ਨੂੰ ਮਜ਼ਬੂਤ ਕਰਨ ਲਈ ਭਾਰਤ ਮਾਹਰਾਂ ਦੀਆਂ 2 ਟੀਮਾਂ ਭੇਜ ਰਿਹਾ ਹੈ। ਭਾਰਤ ਦੇ ਯੂਐੱਨ ਮਿਸ਼ਨ ਨੇ ਇਹ ਜਾਣਕਾਰੀ ਦਿੱਤੀ।
ਮਿਸ਼ਨ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਭਾਰਤ ਨੇ ਸੰਯੁਕਤ ਰਾਸ਼ਟਰ ਦੇ ਸਕੱਤਰ-ਜਨਰਲ ਐਂਟੋਨੀਓ ਗੁਟੇਰੇਸ ਦੀ ਬੇਨਤੀ ਦਾ ਹੁੰਗਾਰਾ ਦਿੱਤਾ ਹੈ, ਉਨ੍ਹਾਂ ਨੂੰ ਅਪੀਲ ਕੀਤੀ ਹੈ, ਜਿਸ ਵਿੱਚ ਉਨ੍ਹਾਂ ਦੇਸ਼ਾਂ ਵਿੱਚ ਕੋਵਿਡ-19 ਨਾਲ ਨਜਿੱਠਣ ਲਈ ਭਾਰਤੀ ਪੀਸ ਮਿਸ਼ਨ ਦੇ ਸੈਨਿਕਾਂ ਵੱਲੋਂ ਪ੍ਰਬੰਧਿਤ ਹਸਪਤਾਲ ਸਹੂਲਤਾਂ ਨੂੰ ਵਧਾਉਣ ਲਈ ਅੱਗੇ ਆਉਣ ਲਈ ਕਿਹਾ ਹੈ।
ਭਾਰਤ ਨੇ ਕਿਹਾ ਕਿ ਅਸੀਂ ਇਸ ਬੇਨਤੀ ਦਾ ਸਵਾਗਤ ਕੀਤਾ ਹੈ ਤੇ ਉਨ੍ਹਾਂ ਨੇ ਦੱਸਿਆ ਕਿ 15 ਮਾਹਰਾਂ ਦੀ ਇੱਕ ਟੀਮ ਇਸ ਮਹੀਨੇ ਦੇ ਅਖ਼ੀਰ ਵਿੱਚ ਕਾਂਗੋ ਦੇ ਗੋਮਾ ਜਾਵੇਗੀ, ਜਿੱਥੇ ਜਨਵਰੀ 2005 ਤੋਂ ਭਾਰਤ ਦੁਆਰਾ ਚਲਾਏ ਜਾ ਰਹੇ ਹਸਪਤਾਲ ਵਿੱਚ ਪਹਿਲਾਂ ਹੀ 18 ਮਾਹਰਾਂ ਸਮੇਤ 90 ਭਾਰਤੀ ਹਨ।
ਸੰਯੁਕਤ ਰਾਸ਼ਟਰ ਦੇ ਪੀਸਕੀਪਿੰਗ ਮਿਸ਼ਨ ਲਈ ਮੁੱਖ ਕਮਾਂਡ ਅਤੇ ਕੰਟਰੋਲ ਸੈਂਟਰ 'ਮੋਨਸਕੋ' ਗੋਮਾ ਵਿੱਚ ਸਥਿਤ ਹੈ। ਮੋਨਸਕੋ ਵਿੱਚ 2030 ਭਾਰਤੀ ਸ਼ਾਂਤੀ ਰੱਖਿਅਕ ਤਾਇਨਾਤ ਹਨ।
15 ਮਾਹਰਾਂ ਦੀ ਇੱਕ ਹੋਰ ਟੀਮ ਦੱਖਣੀ ਸੂਡਾਨ ਦੇ ਜੁਬਾ ਵਿੱਚ ਜਾਏਗੀ। ਜਿਥੇ ਸਾਲ 2016 ਤੋਂ ਦੱਖਣੀ ਸੁਡਾਨ ਵਿੱਚ ਸੰਯੁਕਤ ਰਾਸ਼ਟਰ ਮਿਸ਼ਨ (ਯੂ.ਐੱਨ.ਐੱਮ.ਆਈ.ਐੱਸ.) ਦੇ ਨਾਲ ਚੱਲ ਰਹੇ ਇੱਕ ਭਾਰਤੀ ਹਸਪਤਾਲ ਵਿੱਚ 12 ਮਾਹਰਾਂ ਸਣੇ 77 ਭਾਰਤੀ, 2420 ਭਾਰਤੀ ਸ਼ਾਂਤੀ ਸੈਨਿਕ ਹਨ।
