Ringworm Problem: ਜਾਣੋ, ਕੀ ਦਾਦ ਦੀ ਸਮੱਸਿਆਂ ਇੱਕ ਵਿਅਕਤੀ ਤੋਂ ਦੂਜੇ ਵਿਅਕਤੀ ਤੱਕ ਫੈਲ ਸਕਦੀ ਹੈ, ਬਚਾਅ ਲਈ ਅਪਣਾਓ ਇਹ ਉਪਾਅ

ਦਾਦ ਇੱਕ ਫੰਗਲ ਇਨਫੈਕਸ਼ਨ ਹੈ, ਜੋ ਸਰੀਰ ਦੇ ਇੱਕ ਹਿੱਸੇ ਤੋਂ ਦੂਜੇ ਹਿੱਸੇ ਅਤੇ ਇੱਕ ਵਿਅਕਤੀ ਤੋਂ ਦੂਜੇ ਵਿਅਕਤੀ ਵਿੱਚ ਆਸਾਨੀ ਨਾਲ ਫੈਲ ਸਕਦੀ ਹੈ।

ਹੈਦਰਾਬਾਦ: ਮੀਂਹ ਦੇ ਮੌਸਮ 'ਚ ਪਾਣੀ ਕਾਰਨ ਚਮੜੀ 'ਚ ਇਨਫੈਕਸ਼ਨ ਹੋਣਾ ਆਮ ਗੱਲ ਹੈ। ਪਰ ਇਸ ਮੌਸਮ ਵਿੱਚ ਚਮੜੀ ਦੇ ਕੁਝ ਗੰਭੀਰ ਸੰਕਰਮਣ ਹੁੰਦੇ ਹਨ ਜੋ ਇੱਕ ਵਿਅਕਤੀ ਤੋਂ ਦੂਜੇ ਵਿਅਕਤੀ ਵਿੱਚ ਤੇਜ਼ੀ ਨਾਲ ਫੈਲਦੇ ਹਨ। ਦਾਦ ਇਹਨਾਂ ਫੰਗਲ ਇਨਫੈਕਸ਼ਨਾਂ ਵਿੱਚੋਂ ਇੱਕ ਹੈ, ਜੋ ਸਰੀਰ ਦੇ ਇੱਕ ਹਿੱਸੇ ਤੋਂ ਦੂਜੇ ਹਿੱਸੇ ਅਤੇ ਇੱਕ ਵਿਅਕਤੀ ਤੋਂ ਦੂਜੇ ਵਿਅਕਤੀ ਵਿੱਚ ਆਸਾਨੀ ਨਾਲ ਫੈਲ ਸਕਦੀ ਹੈ। ਉਦਾਹਰਨ ਲਈ, ਮੰਨ ਲਓ ਕਿ ਤੁਹਾਡੇ ਘਰ ਵਿੱਚ ਇੱਕ ਵਿਅਕਤੀ ਨੂੰ ਦਾਦ ਫੰਗਲ ਇਨਫੈਕਸ਼ਨ ਹੈ ਅਤੇ ਉਸ ਵਿਅਕਤੀ ਦੁਆਰਾ ਵਰਤਿਆ ਗਿਆ ਤੌਲੀਆ ਜੇਕਰ ਤੁਸੀਂ ਵੀ ਵਰਤਦੇ ਹੋ, ਤਾਂ ਇਸ ਗੱਲ ਦੀ ਪੂਰੀ ਸੰਭਾਵਨਾ ਹੈ ਕਿ ਤੁਸੀਂ ਵੀ ਇਸ ਲਾਗ ਦੇ ਆਸਾਨੀ ਨਾਲ ਸ਼ਿਕਾਰ ਹੋ ਜਾਓਗੇ।

ਦਾਦ ਵਾਰ-ਵਾਰ ਕਿਉਂ ਹੁੰਦਾ ਹੈ?:ਦਾਦ ਇੱਕ ਚਮੜੀ ਨਾਲ ਸਬੰਧਤ ਰੋਗ ਹੈ ਅਤੇ ਭਾਰਤੀ ਲੋਕਾਂ ਵਿੱਚ ਇਸ ਦਾ ਹੋਣਾ ਆਮ ਗੱਲ ਹੈ। ਜਦੋਂ ਮਾਨਸੂਨ ਵਿੱਚ ਨਮੀ ਵੱਧ ਜਾਂਦੀ ਹੈ, ਤਾਂ ਦਾਦ ਦਾ ਖ਼ਤਰਾ ਵੀ ਵੱਧ ਜਾਂਦਾ ਹੈ। ਇਸ ਫੰਗਲ ਇਨਫੈਕਸ਼ਨ ਦੀ ਸਭ ਤੋਂ ਖਤਰਨਾਕ ਗੱਲ ਇਹ ਹੈ ਕਿ ਜੇਕਰ ਇਹ ਕਿਸੇ ਵਿਅਕਤੀ ਨੂੰ ਇੱਕ ਵਾਰ ਹੋ ਜਾਂਦੀ ਹੈ, ਤਾਂ ਇਹ ਉਸ ਵਿਅਕਤੀ ਨੂੰ ਵਾਰ-ਵਾਰ ਹੁੰਦੀ ਹੈ। ਦਾਦ ਦੀ ਸਮੱਸਿਆਂ ਕਿਤੇ ਵੀ ਹੋ ਸਕਦੀ ਹੈ ਪਰ ਇਹ ਪੈਰਾਂ, ਹੱਥਾਂ, ਗਰਦਨ ਅਤੇ ਸਰੀਰ ਦੇ ਗੁਪਤ ਅੰਗਾਂ ਵਿੱਚ ਆਸਾਨੀ ਨਾਲ ਹੋ ਸਕਦੀ ਹੈ। ਇਹ ਫੰਗਲ ਇਨਫੈਕਸ਼ਨ ਹੈ ਜੋ ਤੇਜ਼ੀ ਨਾਲ ਵਧਦੀ ਹੈ। ਜੇਕਰ ਕੋਈ ਵਿਅਕਤੀ ਸਾਫ਼-ਸਫ਼ਾਈ ਦਾ ਸਹੀ ਧਿਆਨ ਨਹੀਂ ਰੱਖਦਾ ਹੈ, ਤਾਂ ਦਾਦ ਹੋਣ ਦੀ ਸੰਭਾਵਨਾ ਵੱਧ ਜਾਂਦੀ ਹੈ।

ਕੀ ਤੌਲੀਏ ਦਾਦ ਦਾ ਕਾਰਨ ਬਣ ਸਕਦੇ ਹਨ?:ਤੌਲੀਏ ਦਾਦ ਦਾ ਕਾਰਨ ਬਣ ਸਕਦੇ ਹਨ। ਖਾਸ ਤੌਰ 'ਤੇ ਮੀਂਹ ਦੇ ਮੌਸਮ 'ਚ ਜੇਕਰ ਤੁਸੀਂ ਕਮਰੇ 'ਚ ਹੀ ਤੌਲੀਏ ਨੂੰ ਸੁਕਾ ਲੈਂਦੇ ਹੋ ਤਾਂ ਉਸ 'ਤੇ ਧੁੱਪ ਨਹੀਂ ਪੈਂਦੀ। ਇਸ ਲਈ ਅੱਜ ਤੋਂ ਹੀ ਇਸ ਨੂੰ ਬੰਦ ਕਰ ਦਿਓ। ਕਿਉਂਕਿ ਮੀਂਹ ਦੇ ਮੌਸਮ ਵਿੱਚ ਤੌਲੀਏ ਚੰਬਲ, ਦਾਦ, ਧੱਫੜ ਅਤੇ ਚਮੜੀ ਨਾਲ ਸਬੰਧਤ ਹੋਰ ਬਿਮਾਰੀਆਂ ਦਾ ਕਾਰਨ ਬਣ ਜਾਂਦੇ ਹਨ। ਨਮੀ ਦੇ ਕਾਰਨ ਬੈਕਟੀਰੀਆ ਗਿੱਲੇ ਤੌਲੀਏ 'ਤੇ ਆਸਾਨੀ ਨਾਲ ਵਧਣਾ ਸ਼ੁਰੂ ਹੋ ਜਾਂਦੇ ਹਨ। ਜਿਸ ਕਾਰਨ ਦਾਦ ਵਰਗੀ ਸਮੱਸਿਆ ਹੋ ਸਕਦੀ ਹੈ। ਜਿਨ੍ਹਾਂ ਨੂੰ ਦਾਦ ਵਰਗੀ ਸਮੱਸਿਆ ਹੈ ਅਤੇ ਇਸ ਤੋਂ ਬਚਣਾ ਚਾਹੁੰਦੇ ਹਨ, ਤਾਂ ਇਨ੍ਹਾਂ ਤਰੀਕਿਆਂ ਦੀ ਪਾਲਣ ਕਰੋ:-

ਦਾਦ ਦੀ ਸਮੱਸਿਆਂ ਤੋਂ ਛੁਟਕਾਰਾ ਪਾਉਣ ਦੇ ਤਰੀਕੇ:

1. ਨਹਾਉਣ ਤੋਂ ਬਾਅਦ ਸਰੀਰ ਨੂੰ ਤੌਲੀਏ ਨਾਲ ਪੂੰਝ ਕੇ ਤੌਲੀਏ ਨੂੰ ਧੁੱਪ ਵਿਚ ਸੁਕਾਓ। ਜੇਕਰ ਮੀਂਹ ਦਾ ਮੌਸਮ ਹੋਵੇ ਤਾਂ ਤੌਲੀਏ ਨੂੰ ਚੰਗੀ ਤਰ੍ਹਾਂ ਧੋ ਲਓ ਅਤੇ ਫਿਰ ਵਾਸ਼ਿੰਗ ਮਸ਼ੀਨ 'ਚ ਸੁਕਾ ਕੇ ਇਸਤਰੀ ਕਰ ਲਓ।
2. ਮਾਨਸੂਨ ਦੌਰਾਨ ਪਤਲੇ ਤੌਲੀਏ ਦੀ ਵਰਤੋਂ ਕਰੋ।
3. ਮੀਂਹ ਦੇ ਮੌਸਮ ਵਿੱਚ ਸੂਤੀ ਅਤੇ ਢਿੱਲੇ ਸਾਫ਼ ਕੱਪੜੇ ਪਾਓ।
4. ਦਾਦ ਨਾਲ ਸੰਕਰਮਿਤ ਵਿਅਕਤੀ ਦੇ ਤੌਲੀਏ, ਕੱਪੜੇ ਅਤੇ ਕੰਘੀ ਦੀ ਵਰਤੋਂ ਨਾ ਕਰੋ।
5. ਇਸ ਤਰ੍ਹਾਂ ਦੀ ਫੰਗਲ ਇਨਫੈਕਸ਼ਨ ਤੋਂ ਬਚਣ ਲਈ ਆਪਣੇ ਆਪ ਨੂੰ ਜਿੰਨਾ ਹੋ ਸਕੇ ਸਾਫ਼ ਰੱਖੋ।