ਤਰਨਤਾਰਨ: ਜ਼ਿਲ੍ਹਾ ਤਰਨਤਾਰਨ ਦੇ ਪਿੰਡ ਜੌਹਲ ਢਾਏ ਵਾਲਾ 'ਚ ਗੁੰਡਾਗਰਦੀ ਦਾ ਨੰਗਾ ਨਾਚ ਹੋਇਆ। ਅੱਧੀ ਰਾਤ ਨੂੰ 35 ਤੋਂ 40 ਵਿਅਕਤੀਆਂ ਵਲੋਂ ਰੋਡ 'ਤੇ ਬਣੇ ਪੈਟਰੋਲ ਪੰਪ 'ਤੇ ਹਥਿਆਰਾਂ ਸਮੇਤ ਹਮਲਾ ਕਰ ਦਿੱਤਾ ਗਿਆ। ਇਸ 'ਚ ਬਦਮਾਸ਼ਾਂ ਵਲੋਂ ਪੰਪ ਦੀ ਬੁਰੀ ਤਰ੍ਹਾਂ ਭੰਨਤੋੜ ਵੀ ਕੀਤੀ ਗਈ। ਇਸ ਦੇ ਨਾਲ ਹੀ ਹਵਾਈ ਫਾਇਰ ਵੀ ਕੀਤੇ ਗਏ। ਬਦਮਾਸ਼ਾਂ ਵਲੋਂ ਪੰਪ 'ਤੇ ਖੜੀਆਂ ਬੱਸਾਂ ਦੇ ਸੀਸ਼ੇ ਵੀ ਤੋੜ ਦਿੱਤੇ ਗਏ ਅਤੇ ਨਾਲ ਹੀ ਦੁਕਾਨਾਂ ਦੀ ਢਾਹ ਭੰਨ ਕੀਤੀ ਗਈ।
ਉਕਤ ਹਮਲਾਵਰਾਂ ਵਲੋਂ ਜਦੋਂ ਫਾਇਰ ਕੀਤੇ ਗਏ ਤਾਂ ਪੈਟਰੋਲ ਪੰਪ 'ਚ ਸੁੱਤੇ ਕਰਿੰਦਿਆਂ ਨੇ ਪਿਛਲੇ ਦਰਵਾਜੇ ਰਾਹੀ ਭੱਜ ਕੇ ਆਪਣੀ ਜਾਨ ਬਚਾਈ। ਇਸ ਦੇ ਨਾਲ ਹੀ ਜਦੋਂ ਕਰਿੰਦਿਆਂ ਵਲੋਂ ਪੰਪ ਮਾਲਿਕ ਨੂੰ ਫੋਨ ਕਰ ਸੱਦਿਆ ਗਿਆ ਤਾਂ ਉਕਤ ਹਮਲਾਵਰਾਂ ਵਲੋਂ ਉਸ 'ਤੇ ਵੀ ਫਾਇਰ ਕੀਤੇ ਪਰ ਗਨੀਮਤ ਰਹੀ ਕਿ ਮਾਮਲੇ 'ਚ ਪੰਪ ਮਾਲਕ ਦਾ ਬਚਾਅ ਹੋ ਗਿਆ।
ਪੈਟਰੋਲ ਪੰਪ 'ਤੇ ਬਦਮਾਸ਼ਾਂ ਕੀਤੀ ਭੰਨਤੋੜ: ਨਕਦੀ ਲੁੱਟ ਫ਼ਰਾਰ