ਤਰਨਤਾਰਨ:ਪੂਰੇ ਮਨ ਨਾਲ ਕੀਤੀ ਹੋਈ ਮਿਹਨਤ ਹਮੇਸ਼ਾ ਰੰਗ ਲਿਆਉਦੀ ਹੈ। ਤਰਨਤਾਰਨ ਦੇ ਪਿੰਡ ਚੋਧਰੀਵਾਲ ਦੇ ਸਧਾਰਨ ਕਿਸਾਨ ਪਰਿਵਾਰ ਦੇ ਪੁੱਤਰ ਆਦੇਸ਼ ਪ੍ਰਤਾਪ ਸਿੰਘ ਪੰਨੂ ਦੀ ਭਾਰਤੀ ਹਵਾਈ ਫੌਜ ਵਿੱਚ ਫਲਾਇੰਗ ਅਫਸਰ ਵਜੋਂ ਨਿਯੁਕਤੀ ਹੋਈ ਹੈ। ਜੋ ਕਿ ਪਿੰਡਾਂ ਦੇ ਨੌਜਵਾਨਾਂ ਲਈ ਪ੍ਰੇਰਨਾ ਸਰੋਤ ਹੈ।
ਆਦੇਸ਼ ਪ੍ਰਤਾਪ ਸਿੰਘ ਪੰਨੂ ਦੀ ਭਾਰਤੀ ਫੌਜ ਵਿੱਚ ਫਲਾਇੰਗ ਅਫਸਰ ਵੱਜੋ ਹੋਈ ਨਿਯੁਕਤੀ ਕਾਰਨ ਉਸਦਾ ਪਰਿਵਾਰ ਬਹੁਤ ਖੁਸ਼ ਹੈ। ਪਰਿਵਾਰਕ ਮੈਂਬਰਾਂ ਵੱਲੋਂ ਆਦੇਸ਼ ਪ੍ਰਤਾਪ ਸਿੰਘ ਦੀ ਨਿਯੁਕਤੀ ਦੀ ਖਬਰ ਮਿਲਣ ਤੇ ਇੱਕ ਦੂਜੇ ਦਾ ਮੂੰਹ ਮਿੱਠਾ ਕਰਵਾ ਕੇ ਵਧਾਈਆਂ ਦਿੱਤੀਆਂ ਜਾ ਰਹੀਆਂ ਹਨ।
ਕਿਸਾਨ ਦਾ ਪੁੱਤ ਬਣਿਆ ਫਲਾਇੰਗ ਅਫਸਰ
ਜ਼ਿਕਰਯੋਗ ਹੈ ਕਿ ਆਦੇਸ਼ ਪ੍ਰਤਾਪ ਸਿੰਘ ਪੰਨੂ ਨੇ ਮੁੱਢਲੀ ਸਿੱਖਿਆ ਮੈਟ੍ਰਿਕ ਤੱਕ ਸੈਂਟ ਫਰਾਂਸਿਸ ਸਕੂਲ ਤਰਨਤਾਰਨ ਤੋਂ ਕਰਨ ਤੋਂ ਬਾਅਦ ਪਲਸਵਨ ਅਤੇ ਟੂ ਨਿਸਾਨ ਏ ਸਿੱਖੀ ਇੰਸਟੀਚਿਊਟ ਖਡੂਰ ਸਾਹਿਬ ਤੋਂ ਕਰਨ ਦੇ ਨਾਲ-ਨਾਲ ਐਨ ਡੀ ਏ ਦੀ ਕੋਚਿੰਗ ਹਾਸਲ ਕਰ ਐਨ ਡੀ ਏ ਦਾ ਟੈਸਟ ਪਾਸ ਕਰ ਭਾਰਤੀ ਫੌਜ ਵਿੱਚ ਜਗਾਂ ਬਣਾਈ ਹੈ।