ਤਰਨਤਾਰਨ: ਕਰੀਬ 15 ਸਾਲ ਪਹਿਲਾਂ ਯੂ.ਪੀ ਤੋਂ ਪੰਜਾਬ ਰੋਜ਼ੀ ਰੋਟੀ ਦੀ ਭਾਲ 'ਚ ਆਇਆ ਜਸਮੀਨ ਕੁਮਾਰ ਅਤੇ ਉਸਦਾ ਪਰਿਵਾਰ ਭੁੱਖਮਰੀ ਦੀ ਜ਼ਿੰਦਗੀ ਜਿਉਣ ਲਈ ਮਜਬੂਰ ਹੋ ਰਿਹਾ ਹੈ। ਦਰਅਸਲ ਤਰਨਤਾਰਨ ਦੇ ਪਿੰਡ ਸਿੰਘਪੁਰਾ 'ਚ ਪੀੜ੍ਹਤ ਜਸਮੀਨ ਕੁਮਾਰ ਕਿਸੇ ਕਿਸਾਨ ਨਾਲ ਸੀਰੀ ਵਜੋਂ ਕੰਮ ਕਰਦਾ ਸੀ। ਇਸ ਦੌਰਾਨ ਉਸ ਦੇ ਪੈਰ 'ਤੇ ਸੱਟ ਲੱਗੀ ਅਤੇ ਜੋ ਬਾਅਦ 'ਚ ਵੱਧਦੀ ਹੀ ਚਲੀ ਗਈ। ਇਸ ਸੱਟ ਕਾਰਨ ਉਕਤ ਵਿਅਕਤੀ ਦੇ ਦੋਵੇਂ ਪੈਰ ਗਲਣੇ ਸ਼ੁਰੂ ਹੋ ਗਏ। ਜਿਸ ਕਾਰਨ ਕਿਸਾਨ ਵਲੋਂ ਕੰਮ ਤੋਂ ਹਟਾ ਦਿੱਤਾ ਗਿਆ।
ਰੋਜ਼ੀ ਦੀ ਭਾਲ ਲਈ ਆਏ ਵਿਅਕਤੀ ਦੇ ਪੈਰ ਹੋਏ ਖ਼ਰਾਬ: ਸਮਾਜ ਸੇਵੀਆਂ ਨੂੰ ਲਾਈ ਮਦਦ ਦੀ ਗੁਹਾਰ
ਜਸਮੀਨ ਦੇ ਪਰਿਵਾਰ 'ਚ ਉਸਦੀ ਪਤਨੀ ਅਤੇ ਦੋ ਬੱਚੇ ਹਨ। ਇਸ ਦੇ ਇਲਾਜ ਲਈ ਪਰਿਵਾਰ ਵਲੋਂ ਘਰ ਤੱਕ ਵੇਚ ਦਿੱਤਾ ਗਿਆ। ਜਿਸ ਤੋਂ ਬਾਅਦ ਸਿਰ 'ਤੇ ਛੱਤ ਨਾ ਹੋਣ ਕਾਰਨ ਹੋਰ ਵੀ ਪਰੇਸ਼ਾਨੀਆਂ ਆ ਰਹੀਆਂ ਸੀ। ਇਸ ਦੇ ਚੱਲਦਿਆਂ ਪਿੰਡ ਦੇ ਹੀ ਇੱਕ ਕਿਸਾਨ ਵਲੋਂ ਆਪਣੀ ਹਵੇਲੀ ਦੇ ਹਿਸੇ 'ਚ ਇਸ ਪਰਿਵਾਰ ਨੂੰ ਰਹਿਣ ਲਈ ਛੱਤ ਵੀ ਦਿੱਤੀ ਗਈ ਅਤੇ ਬਣਦਾ ਕੁਝ ਕ ਦਵਾਈਆਂ ਵੀ ਲੈਕੇ ਦਿੱਤੀਆਂ ਗਈਆਂ।