ਤਰਨਤਾਰਨ: ਬੀਤੇ ਦਿਨ ਕੁੜੀ ਨੂੰ ਫੋਨ ਨੰਬਰ ਦੇਣ ਦੇ ਮਾਮਲੇ ਵਿੱਚ ਇੱਕ ਨੋਜਵਾਨ ਦੀ ਤਰਨ ਤਾਰਨ ਦੇ ਪਿੰਡ ਬਾਲੇ ਚੱਕ ਨਜ਼ਦੀਕ ਕੁੱਟਮਾਰ ਕਰ ਕੱਪੜੇ ਉਤਾਰ ਨੰਗਾ ਕਰ ਘੁੰਮਾਉਣ ਦੀ ਵੀਡੀਉ ਵਾਈਰਲ ਹੋਈ ਸੀ।
ਉਕਤ ਮਾਮਲੇ 'ਤੇ ਪੁਲਿਸ ਵੱਲੋਂ ਪੀੜਤ ਮੁੰਡੇ ਦੇ ਪਿਤਾ ਦੇ ਬਿਆਨਾਂ 'ਤੇ ਕੁੜੀ ਸਮੇਤ ਉਸਦੇ ਪਰਿਵਾਰ ਦੇ ਸੱਤ ਮੈਬਰਾਂ ਖਿਲਾਫ਼ ਮਾਮਲਾ ਦਰਜ ਕਰ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਤਰਨ ਤਾਰਨ ਪੁਲਿਸ ਦੇ ਐਸਪੀਡੀ ਜਗਜੀਤ ਸਿੰਘ ਵਾਲੀਆਂ ਨੇ ਦੱਸਿਆਂ ਕਿ ਉੱਕਤ ਨੋਜਵਾਨ ਜੋ ਕਿ ਕੁੜੀ ਨੂੰ ਨੰਬਰ ਦੇ ਰਿਹਾ ਸੀ, ਜਿਸ 'ਤੇ ਕੁੜੀ ਪਰਿਵਾਰ ਵਾਲਿਆਂ ਵੱਲੋ ਮੁੰਡੇ ਦੀ ਕੁੱਟਮਾਰ ਕੀਤੀ ਗਈ ਹੈ ਜਿਸਦੇ ਸਬੰਧ ਵਿੱਚ ਪੁਲਿਸ ਵੱਲੋਂ ਸੱਤ ਲੋਕਾਂ ਖਿਲਾਫ਼ ਵੱਖ-ਵੱਖ ਧਰਾਵਾਂ ਤਹਿਤ ਮਾਮਲਾ ਦਰਜ ਕਰ ਦੋਸ਼ੀਆਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ।
ਉੱਧਰ ਸਬੰਧਤ ਕੁੜੀ ਨੇ ਮੀਡੀਆਂ ਸਾਹਮਣੇ ਆ ਕੇ ਆਪਣੇ ਆਪ ਤੇ ਪਰਿਵਾਰ ਨੂੰ ਪੂਰੀ ਤਰ੍ਹਾਂ ਬੇਕਸੂਰ ਦੱਸਦਿਆਂ ਕਿਹਾ ਕਿ ਉਕਤ ਨੌਜਵਾਨ ਨੇ ਅੰਮ੍ਰਿਤਸਰ ਤੋਂ ਘਰ ਵਾਪਸੀ ਸਮੇ ਆਟੋ ਵਿੱਚ ਇੱਕਲੀ ਦੇਖ ਕੇ ਉਸ ਨਾਲ ਛੇੜਛਾੜ ਕੀਤੀ ਸੀ ਤੇ ਜ਼ਬਰੀ ਫੋਨ ਨੰਬਰ ਦੇ ਰਿਹਾ ਸੀ।
ਜਦ ਉਸ ਵੱਲੋ ਨੰਬਰ ਥੱਲੇ ਸੁੱਟ ਦਿੱਤਾ ਤਾ ਬਾਅਦ ਵਿੱਚ ਉਹ ਦੁਬਾਰਾ ਆਪਣਾ ਨੰਬਰ ਜਬਰਦਸਤੀ ਉਸਦੇ ਹੱਥ ਵਿੱਚ ਫੜਾ ਗਿਆਂ।
ਹਰਪ੍ਰੀਤ ਨੇ ਦੱਸਿਆਂ ਕਿ ਉਸਨੇ ਘਰ ਆ ਕੇ ਆਪਣੇ ਪਤੀ ਨੂੰ ਸਾਰੀ ਗੱਲ ਦੱਸੀ ਅਤੇ ਮੁੰਡੇ ਬਾਰੇ ਪਤਾ ਕਰਨ ਦੇ ਮਕਸਦ ਨਾਲ ਮੁੰਡੇ ਨੂੰ ਫੋਨ ਕਰਕੇ ਬਾਲੇ ਚੱਕ ਬਿਜਲੀ ਘਰ ਲਾਗੇ ਬੁਲਾਇਆਂ ਗਿਆ ਉਥੇ ਉਹ ਅਤੇ ਉਸਦਾ ਪਤੀ ਦੋਵੇ ਜਣੇ ਗਏ ਉਸਦਾ ਪਤੀ ਉਥੇ ਝਾੜੀਆਂ ਪਿੱਛੇ ਲੁੱਕ ਗਿਆ।
ਇਸੇ ਦੌਰਾਨ ਉੱਕਤ ਮੁੰਡਾ ਉੱਥੇ ਆਇਆਂ ਅਤੇ ਇੱਕਲੀ ਨੂੰ ਦੇਖ ਕੇ ਉਸ ਨਾਲ ਛੇੜਛਾੜ ਕਰਨ ਲੱਗਾ ਇਸੇ ਦੌਰਾਨ ਝਾੜੀਆਂ ਪਿੱਛੋ ਨਿੱਕਲ ਕੇ ਉਸਦਾ ਪਤੀ ਉਸਦੇ ਬਚਾਅ ਲਈ ਅੱਗੇ ਆਇਆਂ ਅਤੇ ਉੱਥੇ ਬਹਿਸਬਾਜੀ ਕਾਰਨ ਰੋਲਾਂ ਪੈਣ 'ਤੇ ਆਸਪਾਸ ਦੇ ਲੋਕ ਆ ਗਏ ਅਤੇ ਉਹ ਉਥੋਂ ਦੋਵੇ ਜਣੇ ਘਰੇ ਚੱਲੇ ਗਏ ਹਰਪ੍ਰੀਤ ਕੋਰ ਨੇ ਕਿਹਾ ਕਿ ਉਸ ਤੋ ਬਾਅਦ ਉਸ ਨੂੰ ਨਹੀ ਪਤਾ ਕਿ ਬਾਅਦ ਵਿੱਚ ਉਥੇ ਕਿ ਹੋਇਆਂ ਹੈ।
ਉਸਨੇ ਕਿਹਾ ਕਿ ਪੁਲਿਸ ਨੇ ਕੁੜੀ ਖਿਲਾਫ਼ ਕਾਰਵਾਈ ਕਰਨ ਦੀ ਥਾਂ ਉਨ੍ਹਾਂ 'ਤੇ ਹੀ ਕੇਸ ਦਰਜ ਕਰ ਉਸਦੇ ਜੇਠ ਨੂੰ ਗ੍ਰਿਫ਼ਤਾਰ ਵੀ ਕਰ ਲਿਆ ਹੈ ਜੋ ਕਿ ਸਰਾਸਰ ਧੱਕਾ ਹੈ।
ਉੱਧਰ ਔਰਤਾਂ ਦੀ ਮਦਦ ਲਈ ਐਨ.ਜੀ.ਓ ਸੰਸਥਾ ਚਲਾ ਰਹੀ ਵਕੀਲ ਨਵਜੋਤ ਕੋਰ ਚੱਬਾ ਨੇ ਕਿਹਾ ਕਿ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਉੱਕਤ ਘਟਨਾ ਨੂੰ ਅਣਮਨੁੱਖੀ ਕਾਰਾ ਕਹਿ ਕੇ ਸਖ਼ਤ ਕਾਰਵਾਈ ਗੱਲ ਕਰ ਰਹੇ ਹਨ ਜੋ ਕਿ ਗਲਤ ਹੈ ਕਿ ਮੁੰਡੇ ਵੱਲੋ ਉੱਕਤ ਕੁੜੀ ਦੀ ਇੱਜਤ ਨੂੰ ਹੱਥ ਪਾਇਆਂ ਗਿਆ ਹੈ।
ਇਹ ਵੀ ਪੜੋ: ਮੰਗਲ ਗ੍ਰਹਿ 'ਤੇ ਮਿਲੀ ਲਾਸ਼, ਵਿਸ਼ਵਭਰ ਵਿੱਚ ਵਿਗਿਆਨਕਾਂ ਦੀ ਖੋਜ ਜਾਰੀ
ਇਸ ਲਈ ਕੁੜੀ ਅਤੇ ਉਸਦੇ ਪਰਿਵਾਰ ਦੀ ਥਾਂ ਤੇ ਉੱਕਤ ਮੁੰਡੇ ਖਿਲਾਫ਼ ਕਾਰਵਾਈ ਹੋਣੀ ਚਾਹੀਦੀ ਹੈ।
